Җирдән файдалану һәм торак пунктлар төзү кагыйдәләре проектлары буенча эшлекле киңәшмә
Министр урынбасары Мөхәррәм Ибәтов муниципалитетлар өчен шәһәр һәм авыл җирлекләрендә җирдән файдалану һәм төзелеш кагыйдәләре проектларын әзерләү мәсьәләләре буенча видеоконференц-элемтә режимында эшлекле киңәшмә үткәрде. Шәһәр төзелешен зоналаштыру документлары өстендә эш белән бәйле проблемалы мәсьәләләрне тикшерүдә “Татарстан Республикасы киңлек мәгълүматлары фонды” ДБУ, Җир һәм мөлкәт мөнәсәбәтләре министрлыгы һәм Татарстан Республикасы Юстиция министрлыгы вәкилләре катнашты.
Киңәшмә барышында җирдән файдалану һәм төзелеш кагыйдәләре проектларын эшләгәндә рөхсәт ителгән хаталар һәм законнарга туры килмәүләр каралды.
Киңәшмәдә катнашучылар әлеге кагыйдәләр проектлары өстендә бергәләп эшләү кирәклеген билгеләп үттеләр һәм Татарстан Республикасы Җир һәм мөлкәт мөнәсәбәтләре министрлыгы һәм Татарстан Республикасы Юстиция министрлыгы тарафыннан мондый проектларны карау һәм килештерү турында килештеләр. Килештерелгән проектлар муниципалитетларга җибәреләчәк.