Административ комиссияләрнең җаваплы секретарьлары стажировкасы
Казан шәһәре административ комиссиясе мәйданчыгында Татарстан Республикасының Алексеевск, Югары Ослан, Кукмара, Лениногорск, Минзәлә, Түбән Кама, Яңа Чишмә, Нурлат, Чирмешән, Чистай һәм Ютазы муниципаль районнары административ комиссияләренең җаваплы секретарьларының чираттагы стажировкасы узды.
Казан шәһәре Башкарма комитетының Административ-техник инспекция идарәсе башлыгы урынбасары Вил Латыйпов Идарәнең юридик бүлеге башлыгы Ярослав Елистратов белән берлектә административ производствоны кузгату тәртибе, төзелә торган материалларның тулылыгы һәм сыйфаты, административ хокук бозулар турында беркетмәләр төзү тәртибе турында аңлатып киттеләр.
Казан шәһәре Башкарма комитетының административ комиссияләр эшчәнлеген оештыру идарәсенең административ материалларны карауның гомуми тәртибен оештыру бүлеге башлыгы Артем Горицкий административ материалларны карау үзенчәлекләре, административ комиссия утырышы процедурасы, хокук бозучыларга җәза билгеләү турында карарлар юнәлеше, административ комиссия карарларының үтәлешен контрольдә тоту, административ комиссиянең административ түләүләрне исәпкә алу бүлеге башлыгы Резеда Низамова – акчалата бурычлар буенча бурычларны түләтү үзенчәлекләре турында аңлатты.
Федераль суд приставлары хезмәтенең Татарстан Республикасы буенча Баш идарәсе вәкиле Әлфия Сәгъдиева административ штрафларны түләтүне оештыру турында аңлатты.
Стажерлар Казан шәһәренең административ комиссиясе эше белән таныштылар: утырышта күзәтүчеләр сыйфатында катнаштылар, эшләрне рәсмиләштерү һәм формалаштыру тәртибен өйрәнделәр. Стажировка ахырында “түгәрәк өстәл” уздырылды, аның барышында стажерларны кызыксындырган сорауларга җаваплар бирелде.