Татарстан Республикасы Юстиция министрлыгында 2023 елның 9 аенда коррупциягә каршы республика программасын гамәлгә ашыру нәтиҗәләре турында фикер алыштылар
Татарстан Республикасы Юстиция министрлыгында министрның беренче урынбасары Айнур Галимов рәислегендә “Татарстан Республикасының коррупциягә каршы сәясәтен гамәлгә ашыру” дәүләт программасының җаваплы башкаручылары белән киңәшмә узды. Республика органнары һәм оешмалары вәкилләре 2023 елның 9 аенда дәүләт программасының үтәлеше турында хисап тотты.
Татарстан Республикасы Мәгариф һәм фән министрлыгы вәкиле дәүләт программасы кысаларында дәүләт органнарында һәм җирле үзидарә органнарында коррупциягә каршы тору эшчәнлеген камилләштерүгә юнәлдерелгән методик материалларны эшләү, бастыру, яңарту һәм таратуга сатып алуларны гамәлгә ашыру өчен килешү төзелгәнлеген хәбәр итте. Докладчы сүзләренчә, 2023 ел Татарстан Республикасында милли мәдәниятләр һәм традицияләр елы дип игълан ителүгә бәйле рәвештә, методик материаллар структурасы тарихи аспект белән тулыланачак буклет календарьлары рәвешендә булачак. Моннан тыш, программаның 4.9 пунктын үтәү кысаларында ноябрь ахырында коррупциягә каршы тору мәсьәләләре буенча халыкара катнашу белән Бөтенроссия фәнни-гамәли конференция үткәрү планлаштырыла.
“Татмедиа” республика матбугат һәм массакүләм коммуникацияләр агентлыгы вәкиле коррупциягә каршы тору өлкәсендә халыкны хокукый агарту буенча телетапшырулар циклы чыгарылуы турында сөйләде, бүгенге көндә әлеге тема буенча 10 телетапшыру үткәрелде, аларны сез монда карый аласыз.
2023 елда республика массакүләм мәгълүмат чаралары арасында коррупциягә каршы тору мәсьәләләрен иң яхшы яктыртуга махсус журналистлар конкурсы узачак, октябрь ахырына 6 гариза бирелгән - бу 30 эш. Конкурска гаризалар кабул итү дәвам итә. 2023 елның 10 ноябренә кадәр (шул исәптән) (Тулырак монда).
2023 елның 9 аенда республика массакүләм мәгълүмат чараларында коррупциягә каршы юнәлештәге 4500дән артык материал чыкты.
“Бизнес коррупциягә каршы” иҗтимагый процедуралар үзәге вәкиле хәбәр иткәнчә, алар республиканың 15 муниципаль районында булып, оешмаларда коррупциягә каршы тору темасына лекцияләр үткәргән. Шул исәптән, оешма эчендә Федераль законның 15.3 статьясы нигезендә коррупциягә каршы торырга мөмкинлек бирүче локаль норматив хокукый актлар шаблонын эшләү күздә тотыла.
Киңәшмә нәтиҗәләре буенча программаны үтәүчеләргә ел ахырына кадәр программа чараларын гамәлгә ашыруны тәэмин итәргә киңәш ителә.