Татарстан Юстиция министрлыгы хезмәткәре “Мастерс” категориясендә йөзү буенча ХХХ Россия Ачык Кубогында уңышлы чыгыш ясады
Юстиция министрлыгының әйдәп баручы консультанты Семен Сметанин “Мастерс” категориясендә йөзү буенча ХХХ Россия Ачык кубогында катнашты.
Казанда 9-12 ноябрьдә узган ярышларда бөтен Россиядән 1100дән артык профессионал һәм йөзәргә яратучылар катнашты.
Өч көн эчендә Семен 400 м комплекслы йөзү, 200 м брасс ысулы белән йөзү һәм шәхсән 50 м ирекле йөзү кебек 3 дистанцияне үти. Моннан тыш, “Касатка” спорт берлеге составында ул ирекле стиль белән 50 метрны 25,66 секундта йөзә, шуның белән узган елгы нәтиҗәсен 1,1 секундка яхшырта.
“Мин ел саен Юстиция министрлыгы командасы составында Дәүләт хезмәткәрләре Спартакиадасында катнашам. Россия Ачык кубогы кебек спорт чаралары - яхшы формада калу һәм башка ярышларда хезмәттәшләре белән лаеклы чыгыш ясау өчен зур этәргеч”, - ди Семен Сметанин.
Министрлык коллективы аны чын күңелдән котлый һәм киләчәктә спортта һәм һөнәри җиңүләр тели!