Татарстанның дәүләт юридик бюросында һәлак булган сугышчының туганына машинаны кире кайтарырга ярдәм иттеләр
Дәүләт юридик бюросына бушлай юридик ярдәм сорап махсус хәрби операциядә һәлак булган сугышчының бабасы мөрәҗәгать итә.
Ир-ат сүзләренчә, 2013 елда ул ОПЕЛЬ ASTRA автомобилен сатып алган, аны шунда ук ЮХИДИ органнарында исәпкә куйган. Әмма 2023 елның октябрендә ул югарыда күрсәтелгән автомобильгә залогка куелган милеккә түләтү турында банкның дәгъва гаризасы буенча гражданлык эше буенча судка чакыру ала.
Ачыкланганча, әлеге автомобиль 2013 елга кадәр, ягъни гариза бирүче сатып алганчы ук банкта залогта булган икән.
Татарстан Республикасы дәүләт юридик бюросы җитәкчесе Марс Фәтхуллин мөрәҗәгать итүченең автомобильнең закон нигезендә рәсмиләштерелгән намуслы сатып алучысы һәм хуҗасы булуын билгеләп үтте.
“Без документларны өйрәндек һәм банкның судка гаризасына каршылык белдердек. Декабрьдә суд дәгъваны канәгатьләндерүдән баш тарту турында карар чыгарды һәм гражданинга машинаны калдырды”, - дип хәбәр итте Марс Фәтхуллин.