Татарстан Дәүләт юридик бюросы махсус хәрби операциядә катнашучыларга һәм аларның гаиләләренә ярдәм күрсәтә
Махсус хәрби операциядә катнашучылар һәм аларның туганнары хәрби-табиб комиссиясен узу, варисны лаеклы түгел дип тану һәм хезмәт законнары мәсьәләләре буенча түләүсез юридик ярдәм алдылар.
Кабул итүне “Ватанны саклаучылар” фондының Татарстан филиалында Татарстан Республикасы дәүләт юридик бюросы җитәкчесе урынбасары Рафаэль Гыйниятуллов үткәрде.
Кабул итү барышында җитәкче урынбасары хокукый характердагы консультацияләр үткәрде, күрсәтелгән мәсьәләләр буенча закон таләпләрен аңлатты, вәкаләтле органнарга, шулай ук судка гаризалар проектларын әзерләүдә ярдәм күрсәтте.
ТР Юстиция министрлыгы фондта гражданнарны кабул итүне Татарстан Республикасы дәүләт юридик бюросы белгечләре атна саен пәнҗешәмбе көннәрендә үткәрүен искә төшерә. Мондый чараларны үткәрү “Демография” милли проектының максатларына һәм бурычларына туры килә.
Моннан тыш, махсус операциядә катнашучылар һәм аларның гаилә әгъзалары 222-60-60 телефоны аша түләүсез юридик ярдәм алу өчен турыдан-туры мөрәҗәгать итә ала.