Юстиция министрлыгы хезмәткәрләре дәүләт хезмәткәрләре һәм муниципаль хезмәткәрләрнең квалификациясен күтәрү программасында катнаштылар
КФУның дәүләт һәм муниципаль идарә югары мәктәбендә “Хакимият органын юридик тәэмин итү 1.0” дәүләт һәм муниципаль хезмәткәрләрнең квалификациясен күтәрү программасы тәмамланды.
Чара 19 мартта Татарстан Республикасы юстиция министры урынбасары Мөхәррәм Ибәтов һәм КФУның дәүләт һәм муниципаль идарә югары мәктәбе директоры урынбасары Наталья Аксенова катнашында ачылды.
Программада катнашучылар арасында Юстиция министрлыгы хезмәткәрләре дә бар, аларның лекцияләрендә хокук иҗат итү, юридик техника, норматив хокукый актларны дәүләт теркәве, норматив хокукый актлар проектларына коррупциягә каршы экспертиза, “Кодекс” АМИС куллану, җирле үзидарәне территориаль җайга салу, һ. б. темалар ачыкланды.
Уку барышында Татарстан Республикасы Юстиция министрлыгы музее хезмәткәрләре белән очрашу оештырылды.