“Экспертка сорау” программасында министрның беренче урынбасары Илья Гомзик республикада коррупцияне профилактикалау эше турында сөйләде
Татарстанда 2014 елда республика Хөкүмәте тарафыннан расланган “Татарстан Республикасының коррупциягә каршы сәясәтен гамәлгә ашыру” дәүләт программасы гамәлгә ашырыла. Ул төбәктә коррупцион хокук бозуларны профилактикалауны җайга салучы төп документларның берсе булып тора.
Коррупцияне булдырмау өчен төп инструментларның берсе - норматив хокукый актлар проектларына коррупциягә каршы Татарстан Юстиция министрлыгы үткәрә торган экспертиза. Әлеге процесс коррупциоген факторларны норматив актлар әзерләү һәм кабул итү этабында ук ачыкларга һәм бетерергә мөмкинлек бирә. Бу кабул ителә торган карарларның үтә күренмәлелеген һәм законлылыгын тәэмин итү өчен аеруча мөһим.
Моннан тыш, Татарстан Республикасы Юстиция министрлыгы шулай ук муниципаль актларга коррупциягә каршы экспертиза үткәрә, бу исә җирле дәрәҗәдә коррупция куркынычын контрольдә тотарга һәм киметергә мөмкинлек бирә.
2024 елның 9 аенда 1802 проект республика дәрәҗәсендә экспертиза узды, аларда 12 коррупциоген фактор ачыкланды. 2023 елда һәм агымдагы елның 9 аенда 43 меңнән артык муниципаль актка экспертиза үткәрелгән. 655 актта коррупциоген факторлар ачыкланган.
Бу хакта һәм башка күп нәрсәләр турында тулырак итеп Бизнес FM радиосында министрның беренче урынбасары Илья Гомзик сөйли. Бүген, 27 ноябрь көнне 11:15 сәгатьтә Бизнес FM Казан 93.5 FM радиосында “Экспертка сорау” тапшыруын тыңламый калмагыз!