Илья Гомзик: “Түләүсез юридик ярдәм махсус хәрби операция башланганнан бирле беренче һәм кирәкле чараларның берсе булды”
Татарстан Халыклар дуслыгы йортында “Татарстан - Яңа гасыр” - “Татарстан - Яңа гасыр” республика иҗтимагый хәрәкәте Югары Советының киңәйтелгән утырышы узды, анда махсус хәрби операциядә катнашучыларга һәм аларның гаилә әгъзаларына ярдәм итү мәсьәләләре турында фикер алыштылар.
“Махсус хәрби операция уздыру белән бәйле рәвештә дәүләт идарәсенең күп өлкәләрендә эш векторы үзгәрде, - дип ассызыклады юстиция министрының беренче урынбасары Илья Гомзик, доклад белән чыгыш ясаганда, - шул исәптән нормалар иҗат итүдә һәм түләүсез юридик ярдәмдә дә”.
Муниципаль регистрны алып бару кысаларында Татарстан Республикасы Юстиция министрлыгы махсус хәрби операциядә катнашучыларга һәм аларның гаилә әгъзаларына ярдәм чараларын билгеләү буенча муниципаль актларны исәпкә ала. Министрлык әлеге өлкәдәге актларны әзерләү, аларга үзгәрешләр кертү, аларны законнарга туры китерү буенча хокукый ярдәм күрсәтә.
Илья Александрович сүзләренчә, түләүсез юридик ярдәм махсус хәрби операция башланганнан бирле беренче һәм кирәкле чараларның берсе булды. “Узган ел дәвамында махсус хәрби операциядә катнашучы 286 кешегә һәм аларның гаилә әгъзаларына хокукый ярдәм күрсәтелгән, агымдагы елның 10 аенда бу сан - 578”, - дип хәбәр итте ул.
Исегезгә төшерәбез, республикада кабул ителгән чараларның һәм актларның гомумиләштерелгән исемлеге Россия Федерациясе Юстиция министрлыгының Татарстан Республикасы буенча идарәсе сайтында урнаштырыла.