Юстиция министры Татарстан Республикасында Кеше хокуклары буенча вәкаләтле вәкил каршындагы Экспертлар советы утырышында катнашты
Рөстәм Заһидуллин Татарстан Республикасында Кеше хокуклары буенча вәкаләтле вәкил каршындагы Экспертлар советының мәҗбүри тоту һәм вакытлыча булу урыннарында кеше хокукларын саклауга багышланган утырышында катнашты.
Утырыш барышында Кеше хокуклары буенча вәкаләтле вәкил аппаратының агымдагы елдагы эшенә йомгаклар ясалды. Аерым алганда, 2024 елда Татарстан Республикасы буенча ҖҮФХИ учреждениеләрендә булган затлар саны 2 тапкырдан артыкка кимеде, дип билгеләп үтелде.
Моннан тыш, Татарстан дәүләт юридик бюросы һәм Россия җәзаларны үтәтү Федераль хезмәте идарәсе арасындагы килешү кысаларында республика территориясендә җәза үтәүче хөкем ителүчеләр даими рәвештә түләүсез юридик ярдәм ала ала.
Исегезгә төшерәбез, түләүсез юридик ярдәм алуга хокук гражданнарның аерым категорияләренә бирелә, шул исәптән I һәм II төркем инвалидларга, аз керемлеләргә, ятим балаларга, Бөек Ватан сугышы ветераннарына, Россия Геройларына һәм махсус хәрби операциядә катнашучыларга, шулай ук аларның гаилә әгъзаларына. Категорияләрнең тулы исемлеге Татарстан Республикасы Юстиция министрлыгының рәсми сайтында “Түләүсез юридик ярдәм” бүлегендә бар.
Шунысын да билгеләп үтәргә кирәк, түләүсез юридик ярдәм күрсәтү гражданнарның иминлеген саклауга юнәлдерелгән “Демография” милли проектының максатларына һәм бурычларына туры килә.