Татарстан Юстиция министрлыгы кемнәргә чит ил машина йөртү таныклыгын Россия таныклыгына алыштырырга кирәклеген хәбәр итә
Татарстан Республикасы Юстиция министрлыгы искәрткәнчә, гамәлдәге машина йөртү таныклыгыннан башка автомобиль йөрткән өчен 5 меңнән 15 мең сумга кадәр административ штраф каралган.
Министрлык мәгълүматлары буенча, җәмәгать судьялары караган административ хокук бозуларның шактый өлеше юл хәрәкәте кагыйдәләрен бозуга бәйле. Ел саен транспорт чаралары белән идарә итүгә бәйле хокук бозулар буенча 1700дән артык кеше административ җаваплылыкка тартыла.
Моннан тыш, Татарстан Республикасы Юстиция министрлыгы искәрткәнчә, 2025 елның 1 апреленнән Россия территориясендә 2024 елның 1 апреленә кадәр яшәүгә яки Россия Федерациясе гражданлыгына рөхсәт алган затларда чит ил машина йөртү таныклыгы үзенең юридик көчен югалтачак.
2025 елның 1 апреленә кадәр әлеге категория гражданнар өчен, әгәр аларның таныклыгы әле гамәлдә булса, имтихан тапшыруны таләп итми торган гадиләштерелгән алмашу процедурасы каралган. Әмма күрсәтелгән датадан соң машина йөртүчеләргә Россия документын алу өчен имтихан тапшырырга туры киләчәк.
2024 елның 1 апреленнән соң Россиядә яшәүгә яки РФ гражданлыгына рөхсәт алган гражданнар бер ел эчендә үзләренең чит ил хокукларын алыштырырга тиеш. Алмаштыру процедурасы имтиханнар тапшыруны күздә тота.
Искәрмә белорус машина йөртү таныклыгы булган Белоруссия һәм Россия гражданнары өчен ясалган - алар бу документлардан Россия территориясендә файдалануны дәвам итә алалар.