Татарстанда Хокук мәсьәләләре буенча ведомствоара комитетның Эксперт советы составында үзгәрешләр булды
Хокук мәсьәләләре буенча ведомствоара координация комитетының Эксперт советы составыннан пенсиягә чыкканнан соң депутат буларак эшчәнлеген тәмамлаган Шакир Шахмед улы Яһудин чыгарылды. Бу хакта карар Татарстан Республикасы Министрлар Кабинетында узган Хокук мәсьәләләре буенча ведомствоара координация комитеты утырышында кабул ителде.
Хокук мәсьәләләре буенча ведомствоара координация комитеты 2004 елның 19 июлендәге указ белән оештырылган. Аның төп функцияләре закон чыгару инициативасы хокукын гамәлгә ашыру тәртибендә Дәүләт Думасына кертү өчен ТР Дәүләт Советына кертелә торган килештерелгән республика законнары проектларын һәм федераль закон проектларын карау, күмәк фикер алышу һәм эшләүдән гыйбарәт. Комитет шулай ук Татарстан Республикасы һәм Министрлар Кабинетының аеруча катлаулы һәм актуаль булган норматив хокукый актлары проектларын карау белән шөгыльләнә.
Комитет утырышлары кирәк булган саен, әмма һәр ике ай саен бер тапкырдан да сирәгрәк булмаган санда уза. Барлык карарлар да катнашучы әгъзаларның күпчелек тавышы белән кабул ителә һәм тиешле беркетмәләр белән рәсмиләштерелә.