Юстиция министрлыгы коллективы Юстиция кварталында Җиңүнең 80 ел-лыгына багышланган күргәзмәләрне һәм концерт карадылар
Бүген Татарстан Республикасы Юстиция министрлыгы җитәкчелеге һәм хезмәткәрләре Юстиция кварталы территориясендә Бөек Ватан сугышында Җиңүнең 80 еллыгына багышланган бәйрәм чарасында катнаштылар.
Чара кысаларында Юстиция министрлыгы коллективы “Без җиңдек” һәм “Россия дәүләте суверенитетын яклау. Тарих һәм хәзерге заман” тематик күргәзмәләрен карадылар.
Экскурсовод, катнашучыларны сәламләп, сугышның илебез тарихында аерым әһәмиятен ассызыклады. “Бөек Ватан сугышы бик авыр фаҗигагә әверелде, Советлар Союзының һәр гражданины язмышында онытылмас эз калдырды. Ул заманның агитация плакатлары пропаганданың сәнгатьле чарасы булып, халыкның әхлакый рухын саклап, халыкны берләштереп һәм уртак максат - дошманны җиңү өчен көрәшкә рухландырып, төп рольне уйнадылар”, - диде ул.
Күргәзмә экспозициясе агитация плакатларының фронттагы вакыйгаларга бәйле рәвештә ничек үзгәрүен ачык күрсәтә. Татарстанда агитаторларның эшенә аерым басым ясалган, күргәзмәгә килүчеләрне пропаганданың төбәк үзенчәлекләре белән таныштырдылар. Мәсәлән, танылган гомумсовет плакатлары - Дмитрий Орловның “Син фронтка нәрсә белән ярдәм иттең?”, рәссамнар Нина Ватолина һәм Николай Денисов ның “Сөйләшмә!” плакатлары татар телендә бирелгән.
Икенче күргәзмә Россия суверенитетын яклауга багышланган. Биредә тарихи документлар һәм фотографияләр тәкъдим ителә, алар чит дәүләтләрнең гасырлар дәвамында Россиянең эчке эшләренә тыкшынырга омтылышын күрсәтә. Оештыручылар билгеләп үткәнчә, мондый масштаблы экспозиция беренче тапкыр Россиянең бәйсезлеген йомшарту омтылышларына каршы бөтен тарихи каршылык юлын күрү мөмкинлеген бирә.
Чара патриотик җырлар һәм фронтовикларның истәлекләре белән сугарылган “Любимой Лиде. Письма с фронта” программасын башкарган “Яңарыш” дини музыка ансамбле концерты белән тәмамланды.
Чара күп кенә хезмәткәрләргә Ватан тарихының мөһим битләре турында белемнәрен арттыру мөмкинлеген бирде. “Бик эчтәлекле күргәзмәләр! Алар илебез тарихын тирәнрәк аңларга мөмкинлек бирә. Агитация сәнгате турындагы хикәятләрне ишетү һәм үзеңне киеренке сугыш еллары атмосферасында күз алдына китерү аеруча кызыклы булды”, - дип белдерде күргәзмәне караучылар.