Эшче төркем утырышында РФ субъектларының норматив хокукый актлары модельләре хакында фикер алыштылар

2010 елның 21-22 июлендә “Казан” тау чангыларында шуу курортында “Дәүләт (муниципаль) учреждениеләренең хокукый хәлен үстерү нигезендә Россия Федерациясенең аерым закон чыгаручы актларына үзгәрешләр кертү турында” Федераль законны гамәлгә ашыру максатында Россия Федерациясе субъектлары өчен модель норатив хокукый актлар әзерләү буенча эшче төркем утырышы узды.

Эшче төркемнең карау предметы Федераль законны гамәлгә ашыру буенча Россия Федерациясе субъектларының (муниципаль берәмлекләрнең) норматив хокукый модель актлары проектлары булды.

Эшче төркем әгъзалары тарафыннан Россия Федерациясе субъектларының учреждениеләрен барлыкка китерү, яңадан төзү, төрен үзгәртү, бетерү, Россия Федерациясе субъектларының дәүләт учреждениеләренең уставларын раслау тәртибен; Россия Федерациясе субъектлары дәүләт учреждениеләрен гамәлгә куючының функцияләрен һәм вәкаләтләрен башкару тәртибен; Россия Федерациясе субъектларының бюджет һәм автоном учреждениеләренең аеруча кыйммәтле күчемле милек төрләрен билгеләү тәртибен; Россия Федерациясе субъектлары дәүләт учреждениеләре тарафыннан акча формасында башкаруны таләп итүче физик зат алдындагы җәмгыяви бурычларын үтәү вәкаләтләрен башкару тәртибен; Россия Федерациясе субъектларының дәүләт казна һәм бюджет учреждениеләренең дәүләт биремен формалауны һәм финанс тәэмин ителүен башкару тәртибен билгели торган Россия Федерациясе субъектларының хокукый модель актлары проектлары, шулай ук аларның кайберләрен башкару буенча методик тәкъдимнәр хакыныда фикер алыштылар.

Эшче төркем утырышында “РФ субъектының башкарма хакимияте органнары (җирле үзидарә органнары) РФ субъектын (муниципаль берәмлекне) гамәлгә куючы функцияләрен һәм вәкаләтләрен башкару тәртибе турында” модель норматив хокукый акты буенча доклад белән Татарстан Республикасы юстиция министрының беренче урынбасары С.Н.Столяров чыгыш ясады.

Докладта сүз дәүләт учреждениеләренең өч төре: автоном, бюджет, казна учреждениеләре мөнәсәбәтендә гамәлгә куючының функцияләрен һәм вәкаләтләрен башкару тәртибен җайга сала торган актларны булдыру зарурлыгы; РФ субъекты тарафыннан төзелгән дәүләт учреждениесе мөнәсәбәтендә функцияләре һәм вәкаләтләре; кисешкәннәр һәм отсылкаларның күплеге аркасында нормаларны хокукый куллануда катлаулылык турында барды.

Тиешле хокукый мәнәсәбәтләрне тәртипкә салу максатында федерация субъектлары башкарма хакимият органнарының дәүләт учреждениеләрен гамәлгә кую функцияләре һәм вәкаләтләре буенча эшчәнлеген хокукый җайга салуны системалаштырылган акт әзерләү һәм бастырып чыгару турында карар кабул ителде.

Докладта ассызыкланганча, әлеге мәсьәлә федерация субъектлары өчен зур дәрәҗәдәге актуальлелеге белән характерлана, чөнки аңа дәүләт учреждениеләре системалары аша гамәлгә кертелә торган сәламәтлек саклау, социаль яклау, мәгариф, мәдәният һәм башка өлкәләрдә күп кенә вәкаләтләр йөкләнгән. Җирле үзидарә органы тарафыннан муниципаль учреждениеләрне гамәлгә кую функцияләрен һәм вәкаләтләрне башкару тәртибен җайга сала торган муниципаль хокукый актларны эшләп чыгару мөнәсәбәтендә кайбер тәкъдимнәр җирле үзидарә органнарына да бирелде.

 

ТР Юстиция министрлыгының Матбугат Үзәге