ТР муниципаль районннары һәм шәһәр округлары башлыклары урынбасарларының квалификацияләрен күтәрү буенча семинарда

Казанда атна агымындаТР Президенты Аппараты, ТР Дәүләт Советы һәм Казан федераль университеты тарафыннан оештырылган “Татарстан Республикасында җирле үзидарә үсешенең актуаль мәсьәләләре” темасына багышланган Татарстан муниципаль районнары һәм шәһәр округлары башлыклары урынбасарларының квалификацияләрен күтәрү буенча укыту семинарлары үткәрелә.

Татарстан папрламенты башлыгы Ф.Х.Мөхәммәтшин фикеренчә, муниципаль реформаның уңышлылыгы күбесенчә урындагы идарә итүче кадрларның әзерлек дәрәҗәсенә бәйле, шул исәптән юриспруденция өлкәсендә дә.

Сайлау кампаниясен үткәргәннән соң һәм җирле хакимият органнары депутатлары корпусы яңартылганнан соң республиканың муниципаль идарә итүчеләрен укыту зарурлыгы актуаль төс алды.

Бүгенге көндә җирле хакимият органнарында белгечләрнең хокукый әзерлекләре түбән дәрәҗәдә кала бирә. Хокукый әзерлекнең түбән булуы хакында җирле советларның ициативасызлыгында күренә. Татарстанның закон чыгару инициативасына ия булган муниципаль берәмлекләре Дәүләт Советына елга бары тик 5-6 закон проектын юнәлдерәләр. Шуңа күрә республика муниципаль идарәчеләрнең семинар укулары программасына муниципаль берәмлекләре вәкаләтле органнарының законнар чыгару процессына катнашуына, җирле үзидарә турында законнарны гамәлгә кертү мәсьәләләренә бәйле булган хокукый темалар кертелгән. Бу муниципаль идарәчеләр хокук мәсьәләләренең киң спектры буенча белемнәрен күтәрүгә ярдәм итәчәк.

Татарстан Республикасы Юстиция министрлыгы структур бүлекчәләре җитәкчеләре семинар тыңлаучылар игътибарына берьюлы өч хокукый теманы тәкъдим иттеләр. Аерым алганда Хокук мәсьәләләре буенча җирле үзидарә органнары белән үзара хезмәттәшлекне оештыру департаментының аналитик һәм норматив-методик эшләр бүлеге башлыгы Р.У.Гарипов “Җирле үзидарә һәм чиктәш тармаклар өлкәләрендә федераль һәм республика законнарының төп үзгәрешләре турында” материал тәкъдим итте.

Үзенең чыгышында ул соңгы ике ел эчендә булган “Россия Федерациясендә җирле үзидарә төзүнең гомуми принциплары турында” 2003 елның 6 октябрендәге 131-ФЗ номерлы Федераль законга кертелгән үзгәрешләрнең иң әһәмиятлеләреннән булып муниципаль берәмлекләр вәкаләтле органнары тарафыннан җирле үзидарә органнары җитәкчеләрен контрольдә тотуны көчәйтү өлешендәге үзгәрешләр санала.

Җирле үзидарә өлкәсе белән чиктәш тармакларда законнардагы үзгәрешләр турында сөйләгәндә Гарипов Р.У “Дәүләт (муниципаль) учреждениеләрнең хокукый торышларын камилләштерү нигезендә Россия Федерациясе аерым закон актларына үзгәрешләр кертү турында” 08.05.2010 елдагы 83-ФЗ номерлы Федераль законны билгеләп үтте. Шулай ук “Дәүләт һәм муниципаль хезмәт күрсәтүләрне оештыру турында” 27.07.2010 елдагы 210 номерлы Федераль законга да басым ясалды. Әлеге закон җирле администрацияләр һәм башкару-эшне бүлеп бирү вәкаләтләренә ия булган башка җирле үзидарә органнары тарафыннан муниципаль хезмәт күрсәтүләрне гамәлгә ашырган вакытта туган мөнәсәбәтләрне җайга сала.

“Муниципаль берәмлекләр вәкаләтле органнарының нормалар чыгару эшчәнлеге нигезләре һәм муниципаль хокукый актлар системасы турында” доклады белән Хокук мәсьәләләре буенча җирле үзидарә органнары белән үзара хезмәттәшлекне оештыру департаментының аналитик һәм норматив-методик эшләр бүлеге әйдәүче киңәшчесе С.Ф.Рәхимов чыгыш ясады.

С.Ф.Рәхимов чыгышында Россия Федерациясе һәм аның субъектлары дәүләт хакимияте органнарының законнар чыгару һәм башка хокук чыгару эшчәнлеге белән беррәттән илебез муниципаль берәмлекләренең җирле үзидарә органнарының хокук чыгару эшчәнлеге Россиянең хокук системасы элементларыннан берсен камилләштерүне тәэмин итә - ул да булса муниципаль хокукый актлар системасы.

Россиянең хокук системасы муниципаль элементы әһәмиятлелеге муниципаль берәмлекләр халкы мәнфәгатьләренә якын булуында. Бу законнар чыгару процессына караганда хокук чыгару инициативасы субъектларының киңрәк күләмдә муниципаль хокук чыгаруда катнашуы ярдәмендә, аерым муниципаль берәмлекнең әлеге муниципаль берәмлек халкы мәнафәгатьләренә карата муниципаль хокукый актлар системасының киң адаптив мөмкинлекләр белән тәэмин ителә.

Билгеле булганча, ТР Юстиция министрлыгы ТР норматив актларының бердәм банкын формалау һәм муниципаль норматив хокукый актлар регистрын алып бару буенча эшчәнлек белән шөгыльләнә. Муниципаль берәмлекләрдә әлеге эшчәнлекнең оештырылуы турында ТР Юстиция министрлыгы норматив хокукый актларның бердәм банкы башлыгы Э.М.Аверьянова сөйләде.

Министрлык белгечләренең чыгышы семинар тыңлаучыларда тере кызыксыну уятты: муниципаллар үзләренең көндәлек эшчәндегендә туган практик сораулар бирделәр һәм бу сорауларга җаваплар алдылар.

 

Пресс-служба Министерства юстиции РТ