Муниципаль норматив актлар Регистрын төзү һәм ТР норматив хокукый актларының Бердәм банкын алып бару турында

Татарстан Республикасы Юстиция министрлыгы эшчәнлегенең әһәмиятле юнәлешләренең берсе булып Татарстан Республикасы норматив хокукый актларының муниципаль Регистрын төзү һәм алып бару тора.

Норматив хокукый актларының муниципаль регистры институтын булдыру муниципаль норматив хокукый актларын исәпкә алу һәм системалаштыруны, гражданнарның муниципаль актлар турында тулы мәгълүмат алу конституцион хокукларын гамәлгә ашыруны, әлеге мәгълүматның дәүләт хакимияте, җирле үзидарә, вазыйфаи затлар һәм оешмалар тарафыннан алыну шартлар тудыруны тәэмин итү зарурлыгына бәйле.

Татарстан Республикасы Президенты Указы белән норматив хокукый актларының муниципаль регистрын төзү һәм алып бару буенча вәкаләтле орган итеп Татарстан Республикасы Юстиция министрлыгы билгеләнгән. Узган атнада үткәрелгән ТР Юстиция министрлыгының нәтиҗәләр чыгару коллегиясе утырышында билгеләнеп үтелгәнчә, Татарстан Республикасы норматив хокукый актларының бердәм банкы бүлеге белгечләре алдына куелган төп максатларның зур гына өлеше гамәлгә ашырылган.

Татарстан Республикасы норматив хокукый актларының муниципаль Регистрына 2010 елда 9143 акт кертелгән, аннан алдагы елда 5943 акт. 2010 елда 2006-2010 еллар эчендә дөнья күргән норматив хокукый актларны Регистрга кертү буенча зур эш эшләнде.

Регистрны төзү һәм алып бару мәсьәләсе җирле үзидарә органнары белән уртак утырышларында һәм Татарстан Республикасы Минюсты коллегиясе утырышында каралды.

Республиканың муниципаль берәмлекләренең күбесе норматив хокукый актлар Регистрын тулыландыру эшчәнлегенә актив кушылдылар, шундылардан: Әлмәт, Арча, Балтач, Зеленодольск, Мамадыш, Зәй муниципаль районнары һәм алар составына кергән иң күп муниципаль актлар тапшырган шәһәр һәм авыл җирлекләре. Муниципаль актлар тапшыру өчен җаваплы затлар сайлап алу һәм документлар пакетын төзү буенча грамоталы һәм сыйфатлы эшчәнлек күрсәттеләр.

Татарстан Республикасы норматив хокукый актлар Регистрын алып бару эшчәнлеге белән беррәттән Татарстан Республикасы Юстиция министрлыгы Татарстан Республикасы норматив хокукый актларының Бердәм банкын да төзү һәм алып бару белән шөгыльләнә.

2010 елда Бердәм банкка 1214 норматив хокукый актлар кертелде. Болар арасында Татарстан Республикасы Президенты указлары, Татарстан Республикасы Законнары, Татарстан Республикасы Дәүләт Советы Президиумы карарлары, Татарстан Республикасы Конституция суды һәм Татарстан Республикасы Югары суды карарлары һәм билгеләмәләре, Татарстан Республикасы Министрлар Кабинеты карарлары, Татарстан Республикасы министрлыклары һәм ведомстволары норматив хокукый актлары, муниципаль хокукый актлар шулай ук Татарстан Республикасы министрлыклары һәм ведомстволарының кеше һәм граждан хокукын иреген һәм вазыйфаларына кагыла торган, ведомствоара характерына ия булган оешмаларның хокукый статусларын билгеләүче 353 норматив хокукый акты теркәлгән.

Теркәлгән актларның чагыштырма анализына күз салсак, теркәлгән актларның үсеш динамикасы күренә: 2008 елда 165 акт теркәлгән иде, 2009 елда – 235 акт. Әлеге күрсәткечләр ведомство дәрәҗәсендәге мөнәсәбәтләрнең норматив җайга салуның активлашуы турында, министрлыклар һәм ведомстволарның нормалар чыгару эшчәнлеге роленең үсүе турында сөйли. Норматив хокукый актларының зур өлеше Татарстан республиксы тарифлар буенча Дәүләт комитеты, ТР Экология һәм әйләнә-тирә мохит ресурслары министрлыгы, Хезмәт, ТР Халыкны социаль яклау һәм эш белән тәэмин итү министрлыгы, Татарстан Республикасы Финанс министрлыгы, ТР Җир һәм мөлкәт мөнәсәбәтләре министрлыгы тарафыннан тапшырылган иде.

2010 елда 8 министрлыкта һәм ведомствода дәүләт теркәве кагыйдәләре таләпләрен үтәлү мәсьәләсе буенча тикшерүләр узды һәм дәүләт теркәвенә мохтаҗ 14 норматив хокукый акты табылды, аларның 4-се ТР социаль-икътисади мониторингы Комитетында, 1-се – ТР Сәнәгать һәм сәүдә министрлыгында, 2-се – ТР Урман хуҗалыгы министрлыгында, 2-се – Татарстан Республикасы Сәламәтлек саклау министрлыгында, 5-се – Авыл хуҗалыгы һәм азык-төлек министрлыгында. Болар барысы да дәүләт теркәвен үткәрү өчен Татарстан Республикасы Юстиция министрлыгына тапшырылды.

Татарстан Республикасы Юстиция министрлыгы коллегиясе утырышында билгеләнеп үтелгәнчә, әлеге өлкәдә хәл ителмәгән мәсьәлә булып аерым министрлыклар һәм ведомстволарның норматив хокукый актларны бастырып чыгару кагыйдәләрен үтәмәүләре тора. Шулай итеп, Юстиция министрлыгы тарафыннан теркәлгән боерыклар рәсми чыганакларда тулы күләмдә басылмыйлар, яисә боерык белән расланган кушымталары төшеп кала. Әлеге хәл сәбәпләренең берсе – бастырып чыгару өчен акча җитмәү.

Татарстан Республикасы башкарма хакимият органнарының норматив хокукый актларын дәүләт тарафыннан теркәлү мәсьәләләре буенча семинар-киңәшмә оештырылган иде. Монда Татарстан Республикасы министрлыклары һәм ведомстволары юридик хезмәтләре җитәкчеләре чакырылган иде.

РФ Генераль прокуратурасының ТР прокуратурасы белән берлектә узган тикшерү нәтиҗәсендә ТР Юстиция министрлыгының Татарстан Республикасы норматив хокукый актлары Регистрын төзү һәм алып бару буенча вазыйфалары, шулай ук 2010 елда башкарыдган башкарма хакимияте республика органнарының норматив хокукый актларын дәүләт тарафыннан теркәлү өлкәсендәге эшчәнлеге канәгатьләнерлек дип танылды.

  

ТР юстиция Министрлыгы Матбугат Үзәге