Татарстан Республикасы Юстиция министрлыгында гражданнар мөрәҗәгатьләре белән эшләү турында

2010 елда Татарстан Респуликасы Юстиция министрлыгына гражданнарның 447 язма мөрәҗәгате керде, 2009 елда аларның саны 375 иде.

2010 елда кергән корреспонденцияне тикшерү нәтиҗәсендә түбәндәгеләр ачыкланды: гражданнар мөрәҗәгатьләренең күбесе, элеккечә, суд приставларының федераль хезмәте эшчәнлеге, шәхси нотариат эшчәнлеге белән бәйле, шулай ук халык үзенең хокуклары бозылу, ешрак хезмәти хокуклары бозылу мәсьәләләре белән судка түгел, ТР юстиция министрына мөрәҗәгать итәләр.

Гражданнардан шәхси нотариуслар эшчәнлегенә, суд карарлары үтәлмәвенә карата гаризалар керә. Мондый ТР Юстиция министрлыгы компетенциясенә карамаган әлеге мәсьәләләр ТР Нотариаль палатасына һәм ТР суд приставлары Федераль хезмәте Идарәсенә юнәлдерә.

2010 ел дәверендә медиаторлар эшчәнлеге, кулланучылар хокукларын яклау, законсыз рәвештә бакчачылык кишәрлекләрендә җирне биләп алу белән бәйле гаризалар керде. Хокук мәсьәләләренә карамаган гаризалар да күбәйде, аерым алганда, гариза бланкларын сораыйлар һ б., шулай ук көн-күреш мәсьәләләренә кагылышлы гаризалар керә.

Министрлыкка товарларны сатып алу һәм аларга реклама уздыруда ярдәм күрсәтү мөрәҗәгате белән дә язалар.

Татарстан Респуликасы юстиция министрына гражданнар Татарстан Респуликасы прокуроры, җәмәгать һәм федераль судьялар өстеннән, суд карары белән килешмәүне белдереп, техник тикшерүләр үткәрүне таләп итеп, суд карарлары мәсьәләләре буенча гариза язалар. ТР Юстиция министрлыгы үзенең компетенциясе нигезендә әлеге сораулар буенча аңлатмалар биреп ярдәм күрсәтүдән баш тартырга мәҗбүр.

Министрлыкта теркәлгән гаризаларның күбесе Татарстан Республикасы территориясендә яшәүче гражданнардан керә. Шулай ук Мурманск өлкәсеннән, Приморье краеннан, Чуваш Республикасыннан, Марий-Эл Республикасыннан, Мәскәү шәһәре һәм Мәскәү өлкәсе, Свердловск, Ульяновск өлкәләреннән, Ханты-Мансийск автоном округыннан да гаризалар керде. 2010 елда Министрлык сайтына ТР Хакимияте рәсми Порталының Интернет-кабул итү бүлмәсе аша гражданнардан 175 сорау керде. Барлык сорауларга җаваплар әзерләнеп кайтарылган.

Министрлыкка кергән граждан мөрәҗәгатьләре законда каралган срок эчендә (30 көн, Министрлык компетенциясенә карамаган мәсьәләләр буенча мөрәҗәгатьләр компетентлы органнарга 7 көн эчендә җибәрелде) каралды.

4 мөрәҗәгать контрольгә алынды, 9 – урынга чыгып тикшерелде. 2010 елда Министрлык җитәкчелеге 227 кешене кабул итте, шуларных 35 – Татарстан Республикасы муниципаль районнарына эшлекле сәфәр белән чыккан вакытта. 2009 елда исә 219 кеше кабул ителгән иде, 87 се сәфәр вакытында.

Гражданнарның мөрәҗәгатьләре күбесенчә хокук мәсьәләләренә бәйле, алар гамәлдәге законнарның нигезләмәләренә аңлатма бирүне сорадылар, хезмәт мөнәсәбәтләренә кагылышлы мәсьәләләр белән мөрәҗәгать иттеләр. Министрлыкка мөрәҗәгать иткән барлык гражданнарга куелган сораулар буенча тәвсилле аңлатмалар бирелде, шулай ук гаризаларын хәл итүдә ярдәм күрсәтелде.

 

ТР юстиция Министрлыгы Матбугат Үзәге