ЯҢАЛЫКЛАР
2018 елның 21 июнендә Татарстан Республикасы Юстиция министрлыгы хезмәткәрләре Кама Тамагы муниципаль районына чыктылар.
2018 елның 13 июнендә министр урынбасары Мөхәррәм Ибәтов “Татарстан Республикасы муниципаль берәмлекләр советы” ассоциациясе президиумында катнашты. Анда ул җирле референдумда кабул ителгән карарларның үтәлмәве өчен административ җаваплылык турындагы мәсьәлә буенча чыгыш ясады.
2018 елның 9 июнендә Лениногорск районында Дәүләт Советының Дәүләт төзелеше һәм җирле үзидарә буенча комитет утырышы узды. Анда депутатлар җирле үзидарә органнарының территориаль иҗтимагый үзидарә үсеше һәм гражданнарның үз оештырылышлары өчен шартлар булдыру буенча эшчәнлекләрен оештыру мәсьәләләре буенча фикер алыштылар.
2018 елның 7 июнендә Татарстан Республикасы юстиция министры урынбасары М.М.Ибәтов республиканың Минзәлә муниципаль районында яшәүче халыкны күчмә кабул итте.
Гражданнарны кабул итү барышында алардан йөк автомобильләрен йорт яны территориясенә кую, гражданнарны авария хәлендәге торактан күчерү, сугышчан хәрәкәтләрдә катнашучыларга субсидияләр һәм башкаларга кагылышлы сараулар кабул ителде.
Барлык сораулар буенча да тулы аңлатмалар бирелде.
Районга чыгу кысаларында район башлыгы урынбасары К.Р.Нәҗмиев һәм район җирле үзидарәсе органнары хезмәткәрләре катнашында киңәшмә уздырылды, анда муниципаль хезмәтне үстерү муниципаль программасын гамәлгә ашыру, административ комиссия һәм балигъ булмаганнар эшләре комиссиясе эше, муниципаль норматив хокукый актларны кабул итү һәм бастырып чыгару, әлеге актларга һәм аларның проектларына коррупциягә каршы экспертиза уздыру, муниципаль регистрны алып бару турындагы мәсьәләләр каралды.
2018 елның 7 июнендә Татарстан Республикасы Юстиция министрлыгының мәгълүмат-аналитика эше, координацияләү һәм планлаштыру бүлеге хезмәткәрләре тарафыннан Татарстан Республикасы Урман хуҗалыгы министрлыгында “Татарстан Республикасында 2015-2020 елларда коррупциягә каршы сәясәтне гамәлгә ашыру” дәүләт программасы чараларының үтәлеше тикшерелде.
Тикшерү барышында коррупциягә каршы тору буенча җитәкче каршындагы комиссия эшчәнлеге мәьәләләре, хезмәткәрләрнең эш урынында үзләрен тотышлары һәм мәнфәгатьләр конфликтын булдырмау буенча комиссия эшчәнлеге мәсьәләләре каралды, норматив хокукый актлар проектларына коррупциягә каршы экспертиза уздыру мәсьәләләре, коррупциягә каршы тору өлкәсендә норматив хокукый база торышы,шулай ук башка программа чаралары үтәлеше өйрәнелде.
2018 елның 6 июнендә Татарстан Республикасы юстиция министры урынбасары М.М.Ибәтов республиканың Әтнә һәм Лениногорск районнарында яшәүче халыкны видео кабул итте.
Гражданнарны кабул итү барышында алардан сөт сатып алу бәяләрен күтәрүгә, авыл җирлегендә яшүче халыкка торак шартларын яхшырту өчен ташламалы кредитлар бирүгә, сугыш чоры балаларына рәсми статус бирүгә, балигъ булмаган инвалид баласы белән бергә яшәүче 2 төркем инвалидка аерым торак бирү һәм башкаларга кагылышлы сараулар кабул ителде.
Барлык сораулар буенча да тулы аңлатмалар бирелде.
2018 елның 4 июнендә Татарстан Республикасы юстиция министры Р.И.Заһидуллин Татарстан Республикасы җәмәгать судьяларына таныклыклар тапшыру тантанасында катнашты. Чара Татарстан Республикасы Дәүләт Советында узды.
Тантананы Татарстан Республикасы Дәүләт Советы рәисе урынбасары Ю.З.Камалтынов ачты һәм республиканың төрле суд участокларын тәкъдим итүче 12 җәмәгать судьясына таныклыклар тапшырды.
Тантанада шулай ук Татарстан Республикасы Югары Суды рәисе И.И.Гилазов, Россия Федерациясе Юстиция министрлыгының Татарстан Республикасы идарәсе башлыгы В.Н.Демидов, Суд департаментының Татарстан Республикасы идарәсе башлыгы З.М.Салихов, Татарстан Республикасы Югары суды рәисе урынбасары Р.Ф.Гафаров, Татарстан Республикасы Дәүләт Советы депутатлары һәм чакырылган затлар катнаштылар.
Үзенең сәламләү чыгышында Р.И.Заһидуллин гомуми юрисдикция судлары эшләренең зур күпчелеге җәмәгать судьялары тарафыннан каралганлыгын билгеләп узды. 2017 елда бу күрсәткеч 80 процентка җиткән.
“Сез суд системасының беренче звеносы булып торганлыкны исәпкә алып, җәмәгать судьялары эшен бәяләп бетереп булмый. Барлык суд системасының һәм дәүләт хакимияте органнарының имиджы да сезнең профессиональлеккә һәм эшкә әхлакый якын килүегезгә бәйле”, - диде министр һәм җәмәгать судьялыгы институты алдында яңа бурычлар торуын, аларны бары уртак эшчәнлек нәтиҗәсендә генә чишеп булачагын белдерде.
Таныклыклар алган җәмәгать судьяларына гражданнарның хокукларын һәм законлы мәнфәгатьләрен яклау, гаделлекне торгызу эшендә принципиаль булуларын теләделәр.
2018 елның 1 июнендә Татарстан Республикасы Юстиция министрлыгында юстиция министры Р.И.Заһидуллин рәислегендә закон нигезендә һәм аны үтәү йөзеннән эшләнә торган норматив хокукый актларны эшләүне тәэмин итү мәсьәләләре буенча киңәшмә узды.
Киңәшмәдә Татарстан Республикасы Министрлар Кабинеты Аппаратының Хокукый идарәсенең дәүләт хокукый һәм икътисадны норматив җайга салу секторы мөдире И.В.Гайсина, шулай ук Татарстан Республикасы дәүләт хакимияте башкарма органнарының юридик хезмәтләре вәкилләре катнашты.
2018 елның 1 июнендә Татарстан Республикасының Бала хокуклары буенча вәкаләтле вәкиле Г.Л.Удачина тарафыннан республика министрлыклары һәм ведомстволары белән берлектә “Дествкий вопрос” гражданнарга хокукый ярдәм күрсәтү чарасы узды. Чара Балаларны яклау көненә багышланган иде.
Гражданнар өчен иң актуаль мәсьәләләр булып белем бирү оешмаларында белем алуга, торак һәм хезмәт законнарына, дәвалануга, яшүсмерләр даирәсендә җинаятьчелекне профилактикалауга, ятим балаларны һәм тулы булмаган гаиләләрдә тәрбияләнүче балаларны социаль яклауга кагылышлылары торды.
Чарада Татарстан Республикасы юстиция министры Р.И.Заһидуллин һәм түләүсез юридик ярдәм күрсәтү секторы мөдире А.В.Лохотской катнаштылар.
2018 елның 31 маенда Татарстан Республикасы Юстиция министрлыгында Татарстан Республикасы юстиция министры Р.И.Заһидуллин рәислегендә Хокукый мәсьәләләр буенча ведомствоара координацияләү комитеты утырышы узды.
Экспертлар советында түбәндәге проектлар хупланды:
«Салым салуның гадиләштерелгән системасын кулланучы салым түләүчеләр өчен дифференциацияләнгән салым ставкаларын билгеләү турында» Татарстан Республикасы Законының 2 статьясына үзгәреш кертү хакында»;
«Оешмалар мөлкәтенә салым турында» Татарстан Республикасы Законының 3 һәм 5 статьяларына үзгәрешләр кертү хакында»;
«Гражданнарның торак хокукларын яклауны тәэмин итү турында» Татарстан Республикасы Законына үзгәрешләр кертү хакында.