Җирле үзидарә органнарына яңа дәүләт вәкаләтләре бирү

Кичә, 2013 елның31 гыйнварында, Татарстан Республикасы Дәүләт Советы сессиясендә “Казан шәһәре муниципаль берәмлегенең җирле үзидарә органнарына административ хокук бозулар турында беркетмәләр төзергә вәкаләтле вазыйфаи затлар исемлеген билгеләү буенча Татарстан Республикасы дәүләт вәкаләтләрен бирү турында” Татарстан Республикасы Законына үзгәрешләр кертү хакында” Татарстан Республикасы Законы кабул ителде. Закон проектын юстиция министры М.М.Корманов тәкъдим итте.
Үзенең чыгышында ул түбәндәгеләрне хәбәр итте: административ хокук бозулар турындагы беркәтмәләрне төзү хокукы башта экология милициясе хезмәткәрләренә бирелгән иде, әмма экология милициясе бетерелгәннән соң бу вәкаләтләр хуҗасыз калды. Республикада бары тик Казанга гына искәрмә рәвешендә башкалада 2010 елдан административ- техник инспекция эшләп килде. Закон проекты нигезендә административ хокук бозулар турында беркетмәләр төзергә вәкаләтле вазыйфаи затлар исемлеген билгеләү буенча дәүләт вәкаләтләре республиканың муниципаль районнарына һәм шәһәр округларына биреләчәк. Әгәр хәзерге көнгә кадәр төзекләндерү кагыйдәләрен бозган өчен штрафлар Татарстан Республикасы бюджетына кереп барса, хәзер Россия Федерациясе Президентының 2012 елның 7 маендагы Указы нигезендә идарә итүне камилләштерүгә бәйле рәвештә әлеге штрафлар 2013 елның 1 гыйнварыннан тулысынча муниципаль берәмлекләр бюджетларына кереп барырга тиеш була.
Хәзер ел дәвамында бу кагыйдәләрне бер мәртәбә бозган өчен физик затларга – 2 меңнән алып 5 мең сумга кадәр, вазыйфаи затларга –15 меңнән алып 30 мең сумга кадәр, юридик затларга 200 меңнән алып 500 мең сумга кадәр штраф салына. Кабат бозган өчен оешмаларга штраф 1 млн. сумга кадәр җитәргә мөмкин.
Казанда үткән ел эчендә барлыгы 138 млн. сумлык штраф салынды, фактта 85 млн. сум эзләтеп алынды.
Татарстан Республикасының барлык муниципалитетларына административ хокук бозулар турында беркетмәләр төзергә вәкаләтле вазыйфаи затларны билгеләп кую буенча вәкаләтләр бирү мәсьәләсе буенча депутатлар шактый сораулар бирделәр.
Яңа Закон җирле үзидарә органнарына өстенлек бирә: үз территориясендә төзекләндерү кагыйдәләрен үтәүне мөстәкыйль тикшереп тору өстенлеге, аңардан әле башкала гына файдалана иде. Административ-техник инспекция идарәсенеке кебек структуралар барлык районнарда да булдырылачак. Беренчедән, бизнеска басым ясауның куәтле рычагы: җыелмаган чүп-чар өчен яисә кардан-боздан чистартылмаган түбә өчен штраф 1 млн. сумга кадәр җитә. Икенчедән, матди стимул да бар: бөтен җыем җирле бюджетка китә.
Депутатлар барлык сорауларга җавап алсын өчен Татарстан Республикасы Юстиция министрлыгы,Татарстан Республикасы Финанс министрлыгы һәм Татарстан Республикасы муниципаль берәмлекләре Советы административ хокук бозулар турында беркетмәләр төзергә вәкаләтле вазыйфаи затлар исемлеген билгеләячәкләр.
Ахырда закон проекты өченче укылышта кабул ителде.

ТР Юстиция министрлыгы Матбугат үзәге