Татарстан муниципаль актлар регистрын тутыру буенча Идел буе округында алда бара
Җиденче чакырылыш Дәүләт Советы утырышында Татарстан Республикасы юстиция министры Рөстәм Заһидуллин Юстиция министрлыгының хокукый ярдәм күрсәтү максатларында җирле үзидарә органнары белән үзара хезмәттәшлеген оештыру турындагы доклад белән чыгыш ясады.
Министр муниципаль нормалар иҗат итүнең мөһимлеген ассызыклады, чөнки гражданнар һәм оешмаларның хокукларын гамәлгә ашыру муниципаль актларның сыйфатына бәйле. Татарстан Республикасы Юстиция министрлыгы алып барган Татарстан Республикасы муниципаль норматив хокукый актлары регистры бу өлкәдә төп мәгълүмати ресурсларның берсе булып тора.
Идел буе федераль округы буенча Татарстан регистрга кертелгән актлар саны буенча беренче урында тора. “Бу Юстиция министрлыгы һәм җирле үзидарә органнарының уртак эше нәтиҗәсе”, - дип ассызыклады министр.
Ел саен регистрга 30 меңнән артык муниципаль акт керә, агымдагы елның 9 аенда 25 703 муниципаль акт кертелгән. Барлыгы регистрда республика җирле үзидарә органнарының 307 меңнән артык акты бар.
Рөстәм Заһидуллин шулай ук билгеләп үткәнчә, муниципаль актлар регистрга бер үк вакытта Татарстан Республикасының хокукый мәгълүматы рәсми порталында бастырып чыгару юлы белән керә. Татарстан Республикасы Конституциясе нигезендә актлар рәсми порталда республиканың ике дәүләт телендә бастырып чыгарыла.
Министр сүзләренчә, соңгы елларда муниципаль актларны татар телендә бастырып чыгаруда 100% ка җитү мөмкин булды. Моңа муниципалитетлар штатына тәрҗемәчеләр вазыйфасы кертелү дә ярдәм итә.
Әмма министр элек кабул ителгән актларны татар теленә тәрҗемә итү буенча эшнең төгәлләнмәвенә игътибар итте.