ЯҢАЛЫКЛАР
“Эфир” телеканалының “Яңа иртә” программасында Татарстан Республикасы юстиция министры урынбасары Мөхәррәм Ибәтов республикада яшәүчеләрнең теләсә кайсы вакытта җирле үзидарә органнары кабул иткән актлар белән ничек таныша алулары турында җентекләп сөйләде.
Бүген Татарстан Республикасы юстиция министры урынбасары Мөхәррәм Ибәтов рәислегендә административ комиссияләрнең административ җәза билгеләү турындагы карарларын үтәү һәм 2023 елның 1 яртыеллыгы йомгаклары буенча түләнмәгән штраф суммаларын киметү эшен оештыру мәсьәләләре буенча видеоконференцэлемтә режимында киңәшмә узды.
Татарстан Республикасы җәмәгать судьялары аппаратлары эшчәнлеген камилләштерү максатыннан, Республика Рәисе дәүләт граждан хезмәте вазыйфалары реестрына үзгәрешләр кертү турында Указга кул куйды. Указ нигезендә “консультант” вазыйфасы “җәмәгать судьясы ярдәмчесе” вазыйфасы белән алыштырыла.
Россия венчур форумы 2024 елның 26 апрелендә “Казан Экспо” Халыкара күргәзмә үзәгендә узачак. Бу хакта Татарстан премьер-министры Алексей Песошин имзалаган боерыкта әйтелә. Документ ТР Юстиция министрлыгы тарафыннан хокукый мәгълүмат порталында бастырылган.
Татарстан Республикасы Дәүләт юридик бюросы хезмәткәрләре даими рәвештә түләүсез юридик ярдәм күрсәтү буенча гражданнарны кабул итә, шул исәптән күчмә чаралар да оештыра. Шунысын да билгеләп үтәргә кирәк, мондый чараларны үткәрү “Демография” милли проектының максатларына һәм бурычларына туры килә.
“Мәктәпкә җыенырга ярдәм ит!” акциясе кысаларында Татарстан Республикасы Юстиция министрлыгында ел саен уку елы башлануга багышланган бәйрәм чарасы уза. Бәйрәмнең төп геройлары - Татарстан Республикасы Юстиция министрлыгы аппаратлары хезмәткәрләренең һәм җәмәгать судьяларының 1 сентябрьдә беренче класска барачак балалары булды.
Юстиция министры Рөстәм Заһидуллин 2023 елның 1 яртыеллыгында Югары Ослан, Биектау, Чүпрәле, Алабуга һәм Зәй районнары белән мөлкәти булмаган характердагы таләпләрнең һәм башкарма производстволарның үтәлешен мониторинглау нәтиҗәләре буенча киңәшмә үткәрде.
Министрлык хезмәткәрләре тарафыннан Биектау муниципаль районы җирле үзидарә органнарының муниципаль районга керүче җирлекләрдән Татарстан Республикасы муниципаль норматив хокукый актлары регистрын алып бару өчен кирәкле мәгълүматны җыю буенча дәүләт вәкаләтләрен үтәвен өйрәнү буенча күчмә чара үткәрелде.
Татарстан Республикасы Юстиция министрлыгында Татарстан Республикасы юстиция министры урынбасары Мөхәррәм Ибәтов рәислегендә Хокук мәсьәләләре буенча ведомствоара координация комитетының эшче төркеме утырышы узды.
Татарстан Республикасы Юстиция министрлыгы 2023 елның 1 октябреннән 30 октябренә кадәр норматив хокукый актларга һәм норматив хокукый актлар проектларына ел саен үткәрелә торган коррупциягә каршы бәйсез экспертлар конкурсында катнашуга гаризалар кабул итү турында игълан итә (конкурс турындагы нигезләмә Татарстан Республикасы Министрлар Кабинетының 2015 елның 14декабрендәге 943 номерлы карары белән расланган (Республика Министрлар Кабинетының 2016 елның 22 июлендәге 502 номерлы, 2017 елның 31 мартындагы 203 номерлы, 2017 елның 24 октябрендәге 807 номерлы, 2018 елның 23 июлендәге 581 номерлы, 2020елның 20 июлендәге 606 номерлы, 2021 елның 28 июнендәге 502 номерлы, 2022 елның 25 мартындагы 270 номерлы, 2023 елның 4 апрелендәге 398 номерлы карарлары белән кертелгән үзгәрешләр белән)).