ЯҢАЛЫКЛАР

2018 елның 14 мартында Татарстан Республикасы Юстиция министрлыгында Татарстан Республикасы җәмәгать судьялары аппаратларының Татарстан Республикасы җәмәгать судьялары аппаратларының 9 дәүләт граждан хезмәткәренә квалификация экзамены уздыру буенча аттестацияләү комиссиясе утырышы булды.
Квалификация экзамены граждан хезмәткәренең белемнәрен, күнекмәләрен (профессиональ дәрәҗәсен) билгеләү максатыннан узырыла, аның нәтиҗәләре буенча комиссия тарафыннан дәүләт хезмәткәре экзаменны биргән дип таныла һәм чираттагы чинга лаек дип билгеләнә яки экзаменны бирә алмаган дип табыла.
Аттестацияләү нәтиҗәләре буенча аттестацияләү комиссиясе тарафыннан 9 дәүләт хезмәткәте квалификация экзаменын бирделәр һәм үзләре биләгән вазыйфалар буенча чиннар алуга лаек дип табылдылар

2018 елның 14 мартында Татарстан Республикасы Юстиция министрлыгында Татарстан Республикасы дәүләт хакимияте башкарма органнарының норма чыгару эшчәнлеге мәсьәләләре буенча семинар-киңәшмә узды.

Татарстан Республикасы юстиция министрының беренче урынбасары А.Г.Галимов «Татарстан Республикасы башкарма хакимияте органнары тарафыннан эшләнә торган норматив хокукый актлар проектларына хокукый һәм коррупциягә каршы экспертизаның актуаль мәсьәләләре» темасына доклад белән чыгыш ясады.

Семинар барышында шулай ук Татарстан Республикасы Министрлар Кабинеты Аппаратының хокукый идарәсе башлыгы А.Б.Гревцов, Татарстан Республикасы прокуратурасының норматив хокукый актларның законлылыгына күзәтчелек бүлеге башлыгы А.Р.Вәлиәхмәтов, Татарстан Республикасы Дәүләт Советы Аппаратының Хокукый идарәсе башлыгы М.Б.Сөнгатуллин һәм башкалар катнаштылар.

Семинар-киңәшмә кысаларында норматив хокукый актлар проектларына коррупциягә каршы экспертиза ясау һәм норматив хокукый актлар проектларын юридик-техник формалаштыру мәсьәләләре буенча белем бирү дә уздырылды.

2018 елның 13 мартында Татарстан Республикасы Юстиция министрлыгында Татарстан Республикасы җәмәгать судьялары аппаратлары хезмәткәрләренүз вазыйфаларына туры килүләренә аттестацияләү утырышы узды.
Дәүләт граждан хезмәткәрләрен аттестацияләү аларның профессиональ потенциалларын билгеләүгә, функциональ вазыйфаларын үти алуларын ачыклауга юнәлдерелгән. Гамәли нигездә аттестацияләүнең төп максаты хезмәткәрнең үз вазыйфасына туры киләме юкмы икәнлеген ачыклаудан гыйбарәт.
Тавыш бирүләр нәтиҗәләре буенча, комиссия карары белән 7 аттестацияләнүче үз вазыйфаларына туры килә дип, 1 хезмәткәр – үз вазыйфасына туры килә һәм кадрлар резервына кертелүгә лаек дип, тагын 1 хезмәткәр өстәмә профессиональ белемне уңышлы рәвештә алган очракта үз вазыйфасына туры килә дип табылды.
Комиссия утырышында бәйсез экспертлар буларак  Татарстан Республикасы дәүләт гражданлык хезмәте ветераны В.П.Ганчурин һәм “Россия юристлар ассоциациясе” бөтенроссия иҗтимагый оешмасының Татарстан төбәк бүлеге аппараты советы әгъзасы М.Х.Вафин катнаштылар

12 марттан 13енә кадәр Дәүләт идарәсе һәм муниципаль идарә югары мәктәбендә “Балигъ булмаганнарның күзәтүчесезлеген һәм хокук бозуларны профилактикалау” кыска сроклы белем бирү модуле узды. Программаның максатчан аудиториясе – балигъ булмаганнар эшләре һәм аларның хокукларын яклау буенча муниципаль комиссияләрнең җаваплы секретарьлары һәм белгечәре.

Белем бирү кысаларында тыңлаучылар ата-аналарның балаларны карау, тәрбияләү һәм укыту өлкәсендәге яңалыклар белән таныштылар, хокук бозуларның әлеге төрләре буенча киңәйтелгән статистика белән таныштылар,  балалар белән реабилитация эшләренең, шулай ук балаларның үзләрен суицидаль тотышларын профилактикалауның яңа алымнарын һәм формаларын өйрәнделәр.

13 мартта Татарстан Республикасы Дәүләт Советының законлылык һәм хокук тәртибе комитеты рәисе урынбасары Р.Г.Ногманов, Татарстан Республикасы юстиция министры урынбасары М.М.Ибәтов,  балигъ булмаганнар эшләре һәм аларның хокукларын яклау буенча республика комиссиясенең җаваплы секретаре И.Х.Гарифуллина һәм Татарстан Республикасы Яшьләр эшләре һәм спорт министрлыгы һәм Татарстан Республикасы Финанслар министрлыгы вәкилләре катнашындагы түгәрәк өстәл узды.

Балаларның тормышлары һәм хокукый якланышлары өлкәсендәге  дәүләт органнарында һәм җәмгыятьтә зур тынгысызлык уята торган кыенлыклар (социаль куркыныч хәлдә булган гаиләләр һәм балалар саны арту, социаль ятимлек, күзәтүчесезлек, җинаятьчелек, дини экстремизм, яшүсмерләр һәм яшьләр арасында наркомания) буенча фикер алышынды.

2018 елның 13 мартында Татарстан Республикасы Дәүләт Советының дәүләт төзелеше һәм җирле үзидарә комитеты утырышы узды.

Комитет утырышында, аны федераль законга туры китерү максатыннан, “Татарстан Республикасында дәүләт граждан хезмәте турында” Татарстан Республикасы Законына үзгәрешләр кертү хакында” Татарстан Республикасы закон проекты каралды. Закон проекты тарафыннан Татарстан Республикасы Президенты указы нигезендә дәүләт хезмәте өлкәсендә дәүләт мәгълүмат системасын булдыру һәм куллану күздә тотыла. Ул дәүләт хезмәте өлкәсендә федераль мәгълүмат системасы белән ярашырга һәм  дәүләт органын кадрлар белән тәэмин итү турындагы сакланырга, эшкәртелергә һәм электрон рәвештә юлланырга тиешле мәгълүматларның күләменә һәм эчтәлегенә булган таләпләргә туры килергә тиеш.

Комитет тарафыннан Татарстан Республикасының  “Югары Ослан муниципаль районының “Яр буе Морквашы авыл җирлеге” һәм “Октябрь авыл җирлеге” муниципаль берәмлекләре территорияләре чикләрен үзгәртү һәм “Югары Ослан муниципаль районы” муниципаль берәмлегенең һәм аның составындагы муниципаль берәмлекләрнеңтерриторияләре чикләрен билгеләү һәм аларның статусы турында” Татарстан Республикасы Законына үзгәрешләр кертү хакында” әлеге авыл җирлекләре территорияләренең уртак чикләрен үзгәртү максатыннан эшләнгән законы һәм “Татарстн Республикасы Мамадыш районы территориясендә торак пункт – Тарасовка поселогы булдыру турында” Татарстан Республикасы Дәүләт Советы карары проекты хупланды.

Югарыда телгә алынган закон проектлары һәм карарлар буенча фикер алышуда министр урынбасары М.М.Ибәтов та катнашты.

2018 елның 12 мартында Казан мәгълүмати технологияләр һәм элемтә техникумы базасында Дәүләт Думасы депутатларының, Федерация Советы әгъзаларының һәм хакимиятнең башкарма органнары вәкилләренең Татарстан Республикасында федераль максатчан программаларны гамәлгә ашыру мәсьәләләре буенча республика парламенты рәисе Ф.Х.Мөхәммәтшин рәислегендәге киңәшмәсе узды.
Киңәшмәдә министрның беренче урынбасары А.Г.Галимов 2018 елда 5 нче эшче төркем эшчәнлеге кысаларында республика бюджетына федераль акчаларны җәлеп итү турындагы доклад белән чыгыш ясады

2018 елның 11 мартында “Свияжские холмы” шәһәр-курорт базасында “Татарстан Республикасы Президенты Кубогы” на тау чаңгысы һәм сноуборд буенча беренче фестиваль узды.

Ярышлар Татарстан Республикасы дәүләт хакимияте органнары коллективлары арасында, шулай ук республика предприятиеләре һәм банклары командалары арасында ир-атлар һәм хатын-кызлар арасында шәхси һәм команда зачетларында узды.

Ярышлар регламенты буенча һәр команда составына 4 кеше – тау чаңгысында шуучы 2 кеше һәм 2 сноубордчы керде. Ярышлар параллель слалом-гигант дисциплинасында узды. Финалларда җиңү өчен һәр төркемдә квалификация ярышларында ачыкланган иң яхшы 4 команда ярышты.

Чарада 100дән артык кеше катнашты.

Министрлык данын якладылар:

Галимов Айнур Газинур улы – юстиция министрының беренче урынбасары,

Воробьёв Антон Валерьевич – җәмәгать судьялары эшчәнлеген тәэмин итү бүлеге башлыгы,

Беденьгов Андрей Александрович – мәгълүмат-аналитика эше, координация һәм планлаштыру бүлеге башлыгы,

Мөхетдинова Диана Ринат кызы – оештыру эше һәм документлар әйләнеше бүлегенең өлкән белгече.

Ярышлар нәтиҗәләре буенча команда 5 нче урынны алды.

2018 елның 5 мартыннан 6сына кадәр Татарстан Республикасы Юстиция министрлыгында Алексеевск, Буа, Нурлат муниципаль районнарының юридик хезмәтләреннән  булган муниципаль хезмәткәрләр стажировка уздылар.

Министрлыкның структур бүлекчәләре башлыклары – стажировка программасы юнәлешләренә кураторлык итүчеләр түбәндәге темалар буенча гамәли дәресләр уздырдылар:

- муниципаль норматив хокукый актларга һәм муниципаль норматив хокукый актлар проектларына коррупциягә каршы экспертиза уздыруның хокукый һәм оештыру нигезләре;

- муниципаль берәмлекләрнең үзләренә тапшырылган дәүләт вәкаләтләрен гамәлгә ашырулары;

-  муниципаль берәмлекләрнең чикләрен үзгәртү һәм торак пунктлар булдыру;

- муниципаль берәмлекләрнең хокукларын һәм законлы мәнфәгатьләрен юридик яклау;

-  муниципаль норматив хокукый актларның муниципаль регистры;

- җирле үзидарә органнарында кадрлар эше буенча хокукый мәсьәләләр.

Программа ахырында четерекле мәсьәләләр буенча фикер алышу һәм тәҗрибә алмашу максатыннан түгәрәк өстәл уздырылды.

Стажировка программасы ябылышында Татарстан Республикасы юстиция министры Р.И.Заһидуллин, Татарстан Республикасы юстиция министры урынбасары М.М.Ибәтов, КФУ дәүләт идарәсе һәм муниципаль идарә югары мәктәбе диркторы И.А. Привалов катнаштылар.

Стажировка тәмамлангач муниципаль хезмәткәрләр тиешле үрнәктәге таныклыклар алдылар.

2018 елның 6 мартында Татарстан Республикасы Юстиция министрлыгында хокукый мәсьәләләр буенча ведомствоара координацияләү комитетының Экспертлар советы утырышы узды. Утырыш Татарстан Республикасы юстиция министры Р.И.Заһидуллин җитәкчелегендә узды.
Экспертлар советы утырышында Татарстан Республикасының түбәндәге закон проектлары хупланды:
«Татарстан Республикасында күпфатирлы йортларда гомуми мөлкәткә капиталь ремонт ясауны оештыру турында» Татарстан Республикасы Законына үзгәрешләр кертү хакында»;
«Татарстан Республикасында мәдәни мирас объектлары турында» Татарстан Республикасы Законына үзгәрешләр кертү хакында»;
«Татарстан Республикасында гражданнарның җыелышлар, митинглар, демонстрацияләр, урам йөрешләре һәм пикетлар уздыру хокукларын гамәлгә ашыру шартларын тәэмин итү турында» Татарстан Республикасы Законының 3 статьясына үзгәреш кертү хакында»;
«Татарстан Республикасында муниципаль берәмлекләрнең җирле үзидарә органнарына Татарстан Республикасы территориясендә гражданнарның аерым категорияләре өчен җәмәгать транспорты хезмәтләреннән бертигез дәрәҗәдә файдалану мөмкинлеген тәэмин итү өлкәсендә аерым дәүләт вәкаләтләрен бирү турында» Татарстан Республикасы законына үзгәреш кертү хакында

2018 елның 5 мартында Татарстан Республикасы Юстиция министрлыгында Татарстан Республикасында муниципаль хезмәткәрләрнең стажировкалары программасы ачылышы булды.
Программа ачылышында Татарстан Республикасы юстиция министры Р.И.Заһидуллин һәм КФУ дәүләт идарәсе һәм муниципаль идарә югары мәктәбе директоры И.А.Привалов сәламләү чыгышлары ясадылар.
Стажировка программасы белән Татарстан Республикасы юстиция министры урынбасары М.М. Ибәтов таныштырды.
Ике атналык стажировка программасы җирле үзидарә органнарының юридик хезмәтләренең яшь белгечләренең профессиональ белемнәрен күтәрүне, шулай ук эшчәнлек юнәлешләре буенча министрлыкның структур бүлекчәләре белән алга таба хезмәттәшлек итүне күздә тота.
Стажировка программасы ачылышында шулай ук министрлыкның эшләр башкаручысы Н.И.Латыйпов һәм министрлыкның структур бүлекчәләре башлыклары – стажировка программасы юнәлешләренә кураторлык итүчеләр дә катнашты