ЯҢАЛЫКЛАР

2012 елның 14 мартында Татарстан Республикасы Юстиция министрлыгында Татарстан Республикасы җәмәгать судьялары аппаратының суд участогы суд утырышы секретаре, консультанты, канцелярия мөдире – 2 разрядлы өлкән белгече дәүләт граждан хезмәте вакантлы вазыйфасын биләп торуга конкурс булды.

2012 елның 13 мартында Россия Президенты Дмитрий Медведев “2012-2013 елларга Коррупциягә каршы тору илкүләм планы һәм Россия Федерациясе Президентының кайбер актларына коррупциягә каршы тору мәсьәләләре буенча үзгәрешләр кертү турында” 297 номерлы Указга кул куйды.

2012 елның 13 мартында Татарстан Республикасы Юстиция министрлыгында  Татарстан Республикасы Юстиция министрлыгы каршындагы Иҗтимагый советның чираттагы утырышы булды. Утырышның беренче өлеше “Татарстан Республикасында түләүсез юридик ярдәм күрсәтү турында” Татарстан Республикасы законы проектын эшләү буенча эшче төркем белән бергә үтте. Закон проектын бергә карау нәтиҗәсендә, закон проектын эшләп бетерү һәм алга таба агымдагы елның 15 мартында булачак Экспертлар советы утырышына тәкъдим итү турында карар кабул ителде.

Татарстан Республикасы Юстиция министрлыгы ел саен язлыкта Татарстан Республикасында “КонсультантПлюс” челтәренең рәсми вәкиле – “КонсультантПлюс. Мәгълүмат технологияләре” ҖЧҖ белән берлектә Татарстан Республикасы югары уку йортларының юридик факультетлары һәм бүлекләре студентлары арасында ТАССР юстиция министры Ә.Г.Таҗетдинов истәлегенә багышланган республика конкурсын үткәрә. Быел конкурс 8 нче тапкыр узды.

Электән сәяси мәгънә салынган 8 Март бәйрәме еллар үтү белән гүзәл затлар бәйрәме төсен алды. Безнең тормышта 8 Март матурлык һәм Хатын-кыз бөеклеге бәйрәме буларак кабул ителгән һәм шулай кала бирә. Борынгыдан ук Хатын-кыз – гаилә учагын сүндермичә саклап тотучы. Нәкъ гаилә безнең өчен көнкүреш давылларыннан һәм авырлыкларыннан ышанычлы “тыл”. Анда без югары казанышларга ирешү һәм көндәлек эшләр өчен көч туплыйбыз. Мондый нык, ярату хисенә корылган гаиләләр ничаклы күбрәк булса, шулкадәр тормышыбыз да күңеллерәк һәм җылырак булыр.

Татарстан Республикасы Юстиция министрлыгы Казан шәһәре Киров районы 3 һәм 4 номерлы суд участоклары җәмәгать судьясы аппараты консультанты, Казан шәһәре Вахитов районы 7 номерлы суд участогы җәмәгать судьясы аппаратының суд утырышы секретаре, ТР Зәй районы һәм Зәй шәһәре 1 номерлы суд участогы җәмәгать судьясы аппаратының суд утырышы секретаре, ТР Арча районы җәмәгать судьялары аппаратының канцелярия мөдире – 2 разрядлы өлкән белгеч һәм Казан шәһәре Яңа Савин районы 7 номерлы суд участогы җәмәгать судьясы аппаратының канцелярия мөдире – 2 разрядлы өлкән белгеч дәүләт граждан хезмәте вакантлы вазыйфасын биләп торуга конкурс игълан итә.

2012 елның 5 мартында федераль башкарма хакимият органнары, Россия Федерациясе субъектлары башкарма хакимияте органнары һәм җирле үзидарә органнары арасында вәкаләтләр бүлешү мәсьәләсе буенча киңәшмә булды. Киңәшмәне Татарстан Республикасы юстиция министры М.М.Корманов алып барды.