ЯҢАЛЫКЛАР

“Татарстан Республикасының аерым закон актларына үзгәрешләр кертү турында” 2011 елның 30 ноябрендәге 95-ТРЗ номерлы Татарстан Республикасы Законы белән Татарстан Республикасы Бюджет кодексына үзгәрешләр кертелде. Моның белән Татарстан Республикасы Бюджет кодексы федераль законнарга туры китерелде.

Татарстан Республикасы Министрлар Кабинетының 2011 елның 23 ноябрендәге карары белән Татарстан Республикасы Министрлар Кабинетының аерым карарларына үзгәрешләр кертелде. Аерым алганда, “Дәүләт һәм муниципаль хезмәтләр күрсәтүне оештыру турында” Федераль законның, “2011-2015 еллларга Татарстан Республикасын социаль-икътисадый үстерү программасын раслау хакында” Татарстан Республикасы Законын тормышка ашыру максатларында Татарстан Республикасының җирле үзидарә органнарыннан “Муниципаль хезмәтләр күрсәтү реестры” муниципаль мәгълүмат системасын булдыруны таләп иткән норма төшереп калдырылган.

2011 елның 18 ноябрендәге Татарстан Республикасы Законы белән “Татарстан Республикасы дәүләт граждан хезмәте турында” Татарстан Республикасы Законына үзгәрешләр кертелде. Законны үзгәртү дәүләт хезмәткәрләренең аерым категорияләре өчен квалификация имтиханнарының, дәүләт хезмәтен узу шартларын оптимальләштерү һәм аларның һөнәри хезмәт эшчәнлекләре нәтиҗәләрен бәяләү процедураларының кабатлануыннан качу максатларында, федераль дәрәҗәдә бетерелүенә нигезләнә.

2011 елның 18 ноябрендәге 89-ТРЗ номерлы Татарстан Республикасы Законы белән “Татарстан Республикасында җирле үзидарә турында” Татарстан Республикасы Законына үзгәрешләр кертелде.

Бүген - 2003 елның 21 ноябрендә БМО Генераль Ассамблеясе тарафыннан игълан ителгән һәм 2004 елдан алып ел саен 9 декабрьдә билгеләп үтелә торган Халыкара коррупциягә каршы көрәш көне. Генераль Ассамблея резолюциясендә күрсәтелгәнчә, бу Халыкара көнне гамәлгә кертүнең максаты - ришвәтчелек проблемасын аңлауны һәм ришвәтчелекне кисәтү һәм аның белән көрәшүдә Конвенциянең тоткан урынын тирәнәйтү иде.

Кичә “Казан” Милли мәдәни үзәгендә Россия юристлары ассоциациясенең Татарстан төбәк бүлеге башлангычы белән Ассоциациянең төбәк бүлеге әгъзалары тарафыннан Юристлар көнен тантаналы бәйрәм итте.

Бүген, 2011 елның 8 декабрендә, “Республика Татарстан” газетасы (244-245 нче саннар) Татарстан Республикасы юстиция министры М.М. Корманов белән  “Без гамәл башкармасак, законнар эшләми” («Законы не работают, если бездействуем мы») дигән тема җирлегендә үткән әңгәмәне бастырды. Газетаның хәбәрчесе  Евгения Чеснокова  министрга халыкның хокукларны белү, закон проектларын эшләү, аларны кабул итү һәм үтәү өлкәсендә ведомство эше белән бәйле берничә сорау биргән.

 

2011 елның 6 декабрендә Татарстан Республикасы Юстиция министрлыгында Юристлар көненә багышланган шахмат буенча блиц-турнир булды. Ярышта Татарстан Республикасы Юстиция министрлыгының, министр М.М.Кормановны да кертеп, 10 иң көчле шахматчысы катнашты.

Бүген Икътисад, идарә һәм хокук институтында IV Төбәкара семинар-киңәшмә үтте, анда Татарстан Республикасында һәм Идел буе федераль округында юридик клиникаларның эшчәнлеге һәм халыкка юридик ярдәм күрсәтү турында сөйләшү булды.

Нотариуслар гражданнар турында белешмәләрне таныклау хокукын алдылар. Әлеге яңалык “Нотариат турында Россия Федерациясе законнары нигезләренә һәм “Россия Федерациясенең Консуллар уставы” Федераль законының 26 статьясына үзгәрешләр кертү хакында” 2011 елның 3 декабрендәге 386-ФЗ номерлы Федераль закон белән беркетелгән.