ЯҢАЛЫКЛАР

2010 елда Татарстан Респуликасы Юстиция министрлыгына гражданнарның 447 язма мөрәҗәгате керде, 2009 елда аларның саны 375 иде. 2010 елда кергән корреспонденцияне тикшерү нәтиҗәсендә түбәндәгеләр ачыкланды: гражданнар мөрәҗәгатьләренең күбесе, элеккечә, суд приставларының федераль хезмәте эшчәнлеге, шәхси нотариат эшчәнлеге белән бәйле, шулай ук халык үзенең хокуклары бозылу, ешрак хезмәти хокуклары бозылу мәсьәләләре белән судка түгел, ТР юстиция министрына мөрәҗәгать итәләр.

18 февральдә Омск шәһәрендә “Заманча Россиянең хокуктан файдалану үзенчәлеге” бөтенроссия фәнни-практик конференциясе узды, аның кысаларында “түгәрәк өстәл” утырышы узды, ул бәхәсләрне хәл итү вакытында медиациядән файдалануны хокукый яктан җайга салу буенча актуаль мәсьәләләргә багышланган иде.Россия юристлары Ассоциациясенең Омск региональ бүлеге рәисе һәм Омск өлкәсе Арбитраж суд рәисе С. Чуча электрон суд эшләре һәм Россия арбитраж судларында медиация процедурасын практик рәвештә гамәлгә ашыру буенча чаралар турында сөйләде.

Татарстан Республикасы Юстиция министрлыгында дәүләт функцияләре һәм дәүләт хезмәтләрен күрсәтүне гамәлгә ашыру буенча административ регламентларны эшләп чыгару буенча утырыш узды, анда Татарстан Республикасы Прокуратурасы, һәм Татарстан Республикасы Икътисад министрлыгы Татарстан Республикасы Министрлар Кабинеты каршындагы Татарстан Республикасы икътисади һәм социаль тикшеренүләр Үзәге вәкилләре катнашты.

Татарстан Республикасы Юстиция министрлыгында Татарстан Республикасы җәмәгать судьялары аппараты консультанты дәүләт граждан хезмәтенең 9 вакант вазыйфаларын биләүгә чираттагы конкурс узды.

Узган көнне Россиядә совет хәрбиләрен Әфганнан чыгаруга 22 ел тулу тантанасы булды. Бу көн даталар һәм хәлләр календаре нигезендә Ватан чикләренең чит ягында бурычларын үтәгән россиялеләрне искә төшерү көне булып тора.

Татарстан Республикасында инвалидлык һәм инвалидлар мәсьәләсен хәл итү вакытында бердәм дәүләт сәясәтен гамәлгә кертү максатында Тататрстан Республикасы Министрлар Кабинеты инвалидизацияне профилактикалау һәм инвалидларны реабилитацияләү системасының 2011-2013 елларга үсеш Концепциясен раслады (31.12.2010 елның 1184 номерлы ТР Министрлар Кабинеты карары).

РФ Судьялар Советы Президиумы 2011 елның 27 гыйнварындагы 253 номерлы карары белән судларда булган эшләр һәм суд актлары текстлары турындагы мәгълүматларны «Интернет» мәгълүмати-телекоммуникацион челтәрендә гомуми юрисдикция судының рәсми сайтында урнаштыруны оештыру Регламентын раслады.

Татарстан Республикасы Юстиция министрлыгында Татарстан Республикасы җәмәгать судьялары аппаратының консультантлары дәүләт граждан хезмәте вазыйфаларын биләүгә конкурслар башланып китте, аларга җәмәгать судьялары эшчәнлеге турында мәгълүматны сайтларда урнаштыру вазыйфасы йөкләнгән.

Татарстан Республикасы Юстиция министрлыгында Экспертлар советы утырышы узды, анда 11 закон проекты каралда, аларның 2-се “Административ хокук бозулар турында Россия Федерациясе Кодексына үзгәрешләр кертү хакында” федераль закон проекты, тәмәке тарту өчен һәм 18 яшен тутырмаганнарга тәмәке сату өчен административ җаваплылыкны көчәйтү, һәм сыра, аның нигезендә эшләнгән спиртлы эчемлекләрдән файдалану һәм аларның әйләнеше белән бәйле хокук бозулар өчен административ җаваплылыкны билгеләү.