ЯҢАЛЫКЛАР

2012 елның 21-22 сентябрь көннәрендә Татарстан Республикасында “Халыкча балык тоту – 2012” Бөтенроссия фестиваленең дүртенче йомгаклау этабы булды. Татарстан Республикасы Юстиция министрлыгының җәмәгать судьялары эшчәнлеген тәэмин итү бүлеге җитәкчесе урынбасары Антон Воробьев, әлеге бәйгедә катнашып, фестивальнең “Халык балыкчысы” дигән төп номинациясендә мактаулы 3 нче урынны алды.

Шимбә көнне, 2012 елның 23 сентябрендә, Казанда «Татарстан кроссы– 2012» массакүләм республика узышлары булды. Икенче ел рәттән чабыш кысаларында велисопедчылар да узыша, шул исәптән министрлар һәм республика һәм дә федераль дәүләт хакимияте органнары җитәкчеләре үзара көч сынаша. 5 километрга тигез дистанциягә велокроссның VIP-узышында финишка беренче булып Татарстан Республикасы юстиция министры М.М.Корманов килде.

Татарстан Республикасы Премьер-министры урынбасары, Татарстан Республикасы Хөкүмәтенең Хокук бозуларны профилактикалау комиссиясе рәисе Ә.Ә.Сәфәров йөкләмәсе нигезендә 2012 елның 18 - 20 сентябрь көннәрендә Татарстан Республикасы Хөкүмәтенең Хокук бозуларны профилактикалау комиссиясенең эш төркеме тарафыннан Татарстан Республикасы Бөгелмә һәм Ютазы муниципаль районнарында   хокук бозуларны профилактикалау буенча эшне оештыру торышын өйрәнү буенча Татарстан Республикасы юстиция министры М.М.Корманов җитәкчелегендә комплекслы күчмә тикшерү үткәрелде.

2012 елның 21 сентябрендә Татарстан Республикасы Азнакай муниципаль районы гражданнарын видео аша кабул итү булды, аны Татарстан Республикасы юстиция министры М.М.Корманов уздырды. Видео аша кабул итүдә Татарстан Республикасы Азнакай муниципаль районы башлыгы Н.М.Нәгыймов катнашты.

2012 елның 21 сентябрендә Россия юристлары ассоциациясе Түләүсез юридик ярдәм көнен уздыра.

Бүген, 2012 елның 19 сентябрендә,Татарстан Республикасы Юстиция министрлыгында Татарстан Республикасы җәмәгать судьялары аппаратының суд утырышы секретаре дәүләт граждан хезмәте вакантлы вазыйфасын биләп торуга конкурс булды.

Узган җомгада, 2012 елның 14 сентябрендә, Татарстан Республикасы Чирмешән районы җәмәгать судьясы суд участогының яңа бинасын тантаналы ачу чарасы булды.

Кичә, 2012 елның 17 сентябрендә, Татарстан Республикасы Юстиция министрлыгында җирле әһәмияттәге мәсьәләләрне хәл итү буенча тапшырылган вәкаләтләрнең бер өлешен гамәлгә ашыру өчен муниципаль районга бирелгән субвенцияләрнең гомуми күләмен билгеләү өчен норматив исәпләү методикасын килештерү мәсьәләсенә багышланган киңәшмә булды.