ЯҢАЛЫКЛАР

13 октябрь көнне Федераль салым хезмәте һәм Россия Эчке эшләр министрлыгы арасында Хезмәттәшлек турында килешү төзелде. Ул түбәндәге әһәмияткә ия булган юнәлешләрдә гамәлгә кертеләчәк:

 

РФ Юстиция министрлыгы тарафыннан җинаять законнарына үзгәрешләр кертү турында закон проекты эшләнелде. Документ РФ Президенты Администрациясенә юнәлдерелгән дип хәбәр итте РФ юстиция министры А.Коновалов. Бу документ нигезендә икътисади җинаятьләр өчен зур күләмдәге штрафлар белән җәза бирелергә тиеш.

Бүген Татарстан Республикасы Юстиция министрлыгында Татарстан Республикасы юстиция министрының беренче урынбасары С.Н.Столяров рәислегендә “Россия Федерациясендә дәүләт пенсия белән тәэмин итү турында” федераль законның 7 статьясына һәм Россия Федерациясе Бюджет кодексының 146 статьясына үзгәрешләр кертү хакында” федераль закон проектын эшләп чыгару буенча ведомствоара эшче төркемнең чираттагы утырышы узды.

Узган якшәмбедә Татарстан муниципаль берәмлекләре хакимиятенең вәкиллекле органнарына депутатлар сайлаулар үткәрелде. Сайлау комиссияләренә сайлаулар үткәрүдә хокукый ярдәм күрсәтү максатында Татарстан Республикасы юстиция министры боерыгы нигезендә ТР Юстиция министрлыгында эшче төркем оештырылды, аның составына Министрлыкның җитәкчеләре һәи белгечләре кертелде.

РФ Президенты РФ ГК дүртенче өлешенә мөһим үзгәрешләр кертүче 2010 елның 4 октябрендәге 259-ФЗ номерлы Федераль законга кул куйды. Кодексның әсәрләрне шәхси максатларда ирекле рәвештә (түләүсез һәм хокуклары булганның ризалыгыннан башка) яңгыратуга рөхсәт бирә торган 1273 номерлы статьясы инде бүген “зарурлык булганда” сүзләре белән тулыландырылган.

Икътисади үсеш министрлыгы үзенең сайтында «Күчемсез милекне һәм аның белән башкарган эшләрне дәүләт тарафыннан теркәү турында» Федераль законга һәм «Күчемсез милекнең дәүләт кадастры турында» Федераль законга үзгәрешләр кертү хакында» федераль закон проектын әзерләп урнаштырды. 

Европа Берлеге һәм Россиянең (Россия Федерациясе Президенты Администрациясе) үзара хезмәттәшлек Программасы проектларын гамәлгә ашыру кысаларында 2010 елның 5-6 октябрендә Татарстан Республикасы Дәүләт Советының кече залында “Россия Федерациясендә гаделхөкемгә үтемлелекне үстерү” һәм “Россия Федерациясендә суд карарларын үтәү сыйфатлылыгын күтәрү” дип аталган бәхәсләрне альтернатив чаралар ярдәмендә хәл итүгә (медиациягә), шулай ук Россия Федерациясенең суд системасы функцияләренең һәм суд карарларын үтәүнең сыйфатлылыгын күтәрү мәсьәләләргә багышланган ике консультацион семинар уздырылды.

2010 елның 5 октябрендә Татарстан республикасы Дәүләт Советында семинар булып узды, анда “Бәхәсләрне арадашчы катнашуында җайга салу альтернатив процедурасы (медиация процедурасы) турында” Федераль закон кабул ителү белән бәйле рәвештә медиация үсеше перспективалары турындагы мәсьәләләр тикшерелде.

Дәүләт Думасы депутатлары “Реклама турында” Федераль законның 7, 24, 38 статьяларына үзгәрешләр кертү хакында” Федераль закон проектын беренче укылышта хупладылар. Бу документ алга таба да хупланылса, оккультизм-мистика хезмәтләрен күрсәтүгә, бу хезмәтләрне күрсәтүчеләргә реклама ясау тыелачак.