Бу елның июнь аенда Җирле үзидарә органнарына хокукый консультацион-методик ярдәм бүлеге хезмәткәрләре, расланган график буенча, Татарстан Республикасының Яшел Үзән, Арча, Кукмара, Мамадыш муниципаль районнарына чыктылар.

2015 елның 11 июнендә Татарстан Республикасы юстиция министры Л.Ю.Глухова  һәм Татарстан Республикасы юстиция министрының беренче урынбасары Р.И.Заһидуллин Татарстан Республикасы Тәтеш муниципаль районында урнашкан «Чайка» балалар сәламәтләндерү лагерена барып кайттылар.

2015 елның 11 июнендә Татарстан Республикасы юстиция министры урынбасары Н.В.Рагозина Татарстан Республикасы Судьялар Советы утырышында катнашты. Утырышны Татарстан Республикасы Югары Суды рәисе урынбасары Р.А.Шәрифуллин алып барды.

2015 елның 10 июнендә Татарстан Республикасы Юстиция министрлыгында дәүләт граждан хезмәткәрләре - Татарстан Республикасы җәмәгать судьялары аппараты консультанты, суд утырышы секретаре һәм 2нче разрядлы өлкән белгеч–канцелярия мөдире вазыйфаларына конкурс үткәрелде.

2015 елның 9 июнендә «Россия Дәүләт Хокук университеты» Федераль Дәүләт бюджет мәгариф югары белем учреждениесенең Казан филиалында Җәмәгать судьяларының белемен күтәрү курслары төгәлләнде. Биредә 14 җәмәгать судьясы белемен арттырды.

2015 елның 7 июнендә Татарстан Республикасы юстиция министры Л.Ю.Глухова һәм министр урынбасары М.М.Ибәтов Тәтеш муниципаль районында уздырылган милли бәйрәмебез сабантуйда катнаштылар.

2015 елның 4 июнендә Татарстан Республикасы юстиция министрлыгы хезмәткәрләре, Татарстан Республикасының дәүләт хакимияте органнары, адвокатлар палатасы һәм нотариаль палата белгечләреннән тупланган мобиль мәгълүмати–консультацион төркем белән берлектә, түләүсез юридик ярдәм күрсәтү максатыннан, Әгерҗе муниципаль районының Көчек һәм Красный Бор авыллары халкын кабул итте.