ЯҢАЛЫКЛАР

Милекчелек буенча Дәүләт Думасы комитеты "Дәүләт хезмәтләрен һәм муниципаль хезмәтләрне күрсәтү һәм дәүләт функцияләрен һәм муниципаль функцияләрне башкаруны оештыруның гомуми принциплары турында" федераль закон проектына йомгаклау проектын карап тикшерде. Закон проекты нигезендә физик затларга һәм оешмаларга дәүләт хезмәтләрен һәм муниципаль хезмәтләрне күрсәтү, шулай ук дәүләт функцияләрен һәм муниципаль функцияләрне башкару эшчәнлеген башкарма хакимиятнең федераль органнары, РФ дәүләт бюджеттан тыш фондларының идарә органнары, РФ субъектларының дәүләт хакимиятенең башкарма органнары, җирле администрацияләр тарафыннан гамәлгә ашыру белән бәйле рәвештә барлыкка килүче мөнәсәбәтләрне җайга салу тәкъдим ителә.

РФ Юстиция министрлыгының рәсми сайтында "Россия Федерациясендә түләүсез юридик ярдәм системасы турында" федераль закон проекты дөнья күрде. 

РФ Урал федераль округындагы Генераль прокуроры урынбасары Юрий Золотов Федераль суд приставлары хезмәте директоры – Баш суд приставы РФ Артур Парфенчиковка Федераль суд приставлары хезмәте идарәсенең - Свердлов, Чиләбе, Курган һәм Төмән өлкәләре, Ханты-Мансии һәм Ямал-Ненец АО буенча - 6 җитәкчесен эшне оештырганда җибәргән ялгышлары һәм хезмәткәрләре эшчәнлеген вазыйфаи контрольдә тотмаганнары өчен дисциплинар җаваплылыкка тартуны таләп итә торган язу кертте.

Россиянең суд системасын административ басымнан азат итәргә кирәк, ә судьялар кабул иткән карарлары өчен үзләре җавап бирергә тиешләр. Бу турыда Иҗтимагый палатаның Хокук саклау органнары эшчәнлеген җәмәгать контролендә тоту комиссиясе рәисе Анатолий Кучерена әлеге проблематика буенча узган утырышта хәбәр итте.