ЯҢАЛЫКЛАР

Ике көн дәвамында, 17-18 апрельдә, Татарстан Республикасы буенча ЭЭМның Мәдәни үзәгендә Россия Федерациясе Торак кодексын куллануның теоретик һәм гамәли проблемаларына багышланган махсуслаштырылган семинар узды. Аны Россия суд эшчәнлеге академиясе ректоры, юридик фәннәр докторы, профессор, РФнең Атказанган юристы, отставкадагы федераль судья В.В.Ершов үткәрде. Хезмәткәрләрнең квалификациясен күтәрү кысаларында РФнең яңа Торак кодексы нигезләмәләрен куллануның актуаль мәсьәләләре турында фикер алышуда җәмәгать судьялары һәм федераль судьялар, ТР Юстиция министрлыгы аппараты хезмәткәрләре, консультантлар, дәүләт һәм муниципаль хезмәткәрләр, юрисконсультлар һәм бүтән белгечләр катнашты.

2007 елның 18 апрелендә Кремльдә Коррупциягә каршы сәясәтне гамәлгә ашыруның республика советы утырышы булды. Анда Социаль ипотеканың республика программасын гамәлгә ашыру барышында коррупцияне булдырмау турында мәсьәлә каралды. “Чаллы шәһәре” муниципаль берәмлегенең иҗтимагый торак комиссиясе эшен бәяләү һәм социаль ипотека буенча торак төзү мәсьәләләрен җайга салу өлешендә законнарның камил булмавы турында Татарстан Республикасы юстиция министры М.М.Корманов чыгыш ясады.

«Мировой судья» журналы 2007 елның 2,3 саннарында ю.ф.к., доцент, Татарстан Республикасы юстиция министры М.М.Кормановның һәм “Россия суд эшчәнлеге академиясе”нең Казан филиалының гыйльми дәрәҗә алырга теләүчесе А.Р.Гарифуллинаның “Җәмәгать судьялары турында Россия Федерациясе субъектлары законнарына судлар биргән бәяләмә” дигән мәкаләсен бастырып чыгарды. Анда РФ субъектларында җәмәгать судьялары институтлары барлыкка килү проблемаларына турыдан-туры мөнәсәбәте булган РФ Конституцион суды, РФ Югары Суды, республика, край, өлкә судлары карарларына анализ ясала. Моның белән бергә авторлар җәмәгать судьялары институтларын гамәлгә кертү буенча РФ субъектлары законнарына кагылышлы судларның барлык карарларын да анализлауны максат итеп куймыйлар.

Бүген Татарстан Республткасы юстиция министры М.М.Корманов Россия суд эшчәнлеге академиясе ректоры, юридик фәннәр докторы, профессор, Россия Федерациясенең Атказанган юристы В.В.Ершов белән очрашты. Ул Казанга “Россия Федерациясе Торак кодексын куллануның теоретик һәм гамәли проблемалары” темасына махсус семинар үткәрелү уңаеннан килде.

Бүген Татарстан Республикасы юстиция министры М.М.Корманов коллективка министрның яңа урынбасарын тәкъдим итте. Татарстан Республикасы Министрлар Кабинеты карары белән Ощепков Андрей Александрович Татарстан Республикасы юстиция министры урынбасары – Хокукый мәсьәләләр буенча җирле үзидарә органнары белән багланышлар оештыру департаменты җитәкчесе итеп билгеләп куелды. Министрлыкка килгәнче А.А.Ощепков Татарстан Республикасы Президентының Дәүләт-хокукый идарәсендә эшләгән.

2007 елның 16 апрелендә Татарстан Республикасы Юстиция министрлыгында Министрлыкның дәүләт граждан хезмәтенең Татарстан Республикасы Юстиция министрлыгының Хокукый мәсьәләләр буенча җирле үзидарә органнары белән багланышлар оештыру департаментының шәһәр округлары һәм муниципаль районнар җирле үзидарә органнары эшчәнлегенә хокукый ярдәм күрсәтүнең  Кукмара муниципаль районы буенча әйдәүче белгеч-эксперты вакантлы вазыйфасын биләп торуга конкурс комиссиясе утырышы булды.

Бүген ТР Юстиция министрлыгында типларын автономияле учреждениеләргә үзгәртүгә кандидатлар булып торучы ТР учреждениеләре җитәкчеләре һәм күзәтчелек советларына рәислеккә уйланылган кандидатлар белән семинар әзерләү һәм үткәрү мәсьәләсенә багышланган киңәшмә узды.

Бүген Татарстан Республикасы юстиция министры М.М.Корманов “Татарстан Республикасында чит ил инвестицияләре турында” Татарстан Республикасы Законына үзгәрешләр кертү хакында” Татарстан Республикасы законы проекты каралган ТР Министрлар Кабинеты Президиумы утырышында катнашты.

“Россия Федерациясендә судьялар статусы турында” Россия Федерациясе Законы һәм “Татарстан Республикасы дәүләт граждан хезмәте турында” Татарстан Республикасы Законы нигезендә Татарстан Республикасы Юстиция министрлыгы елына ике тапкыр җәмәгать судьялары һәм аларның аппаратлары хезмәткәрләре өчен квалификация күтәрү курсларын оештыра. “Россия суд эшчәнлеге академиясе”нең Казан филиалында мартта - җәмәгать судьялары, апрельдә - җәмәгать судьялары аппараты хезмәткәрләре (суд утырышлары секретарьлары, канцелярия җитәкчеләре, 2 разрядлы белгечләр) төркемендә дәресләр тәмамланды. Укуларны узучыларга квалификация күтәрү курсларын тәмамлау турында таныклыклар тапшырылды.

Кичә Татарстан Республикасы юстиция министры М.М.Корманов Татарстан Республикасында судьялар һәм суд участоклары санын арттыру мәсьәләсе буенча РФ Федераль Җыены Дәүләт Думасы Рәисенең Беренче урынбасары О.В.Морозов белән очрашты. Аннары Хөкүмәт йортында Россия Федерациясе Хөкүмәте рәисе урынбасары А. Жуков һәм Татарстан Республикасы Юстиция министры М.М.Корманов очрашуы булды. Анда Татарстан Республикасында җәмәгать судьялары санын 31 берәмлеккә арттыру турында сүз булды.