ЯҢАЛЫКЛАР
Дәүләт хезмәтләрендә бирелгән гаризаның статусын хәзер күпкә тизрәк белергә мөмкин. Иң популяр хезмәтләр күрсәтү барышы турында белдерүләр порталның шәхси кабинетына гына түгел, ә Мах мессенджерындагы дәүләт хезмәтләре ботына да килә. Ул зәңгәр галочка белән күрсәтелгән.
Татарстан Республикасы Юстиция министрлыгында узган киңәшмәдә 2025 елның узган чорында “Татарстан Республикасының коррупциягә каршы сәясәтен гамәлгә ашыру” дәүләт программасын үтәүгә арадаш йомгаклар ясалды.
Мөхәррәм Мансур улының “Татарстан 24” телеканалындагы “Главные новости” программасында әйткәннәре буенча, “Гавами хакимиятнең бердәм системасында җирле үзидарәне оештыруның гомуми принциплары турында” яңа федераль законның төп максатлары һәм бурычлары Россия Федерациясе Конституциясенең яңартылган нигезләмәләрен гамәлгә ашыруны һәм җирле үзидарәне бердәм гавами хакимият системасына интеграцияләүне үз эченә ала.
Татарстан Республикасы Юстиция министрлыгында республиканың муниципаль норматив хокукый актлары регистрын автомат рәвештә тутыруны тәэмин итә торган RPA роботын модернизацияләү процессы тәмамланды.
Татарстан Республикасы юстиция министры урынбасары Мөхәррәм Ибәтов “Татарстан” ДТРК биргән интервьюсында “Үз һөнәрендә иң яхшысы” конкурсын уздыру турында сөйләде. ТР Юстиция министрлыгы инициативасы белән оештырылган конкурс җирле үзидарә белгечләренең компетенцияләрен үстерү һәм муниципалитетларда хокукый культураны ныгыту өчен нәтиҗәле мәйданчыкка әверелде.
Татарстан Республикасы Юстиция министрлыгына 2025 елда гражданнардан 3 447 мөрәҗәгать кергән, бу 2024 ел күрсәткеченнән 38% ка артып киткән. Бу хакта министрлыкның эшләр идарәчесе Илдус Хафизов 2025 елда министрлыкта башкару дисциплинасының торышы һәм гражданнар мөрәҗәгатьләрен карау турындагы коллегия утырышында хәбәр итте.
Бүген Казан федераль университетының юридик факультеты студентлары Татарстан Республикасы Юстиция министрлыгы музеенда булдылар. Музейның төп тематикасы Юстиция министрлыгы һәм аның җитәкчеләре эшчәнлеге турындагы материаллар коллекциясенә нигезләнгән.
Министр урынбасары Мөхәррәм Ибәтов җитәкчелегендә Татарстан Республикасы муниципаль берәмлекләренең авыл җирлекләре башлыкларын видеокүпер аша кабул иттеләр. Чарада Әлмәт, Арча һәм Әтнә муниципаль районнары составына керүче авыл җирлекләре башлыклары, җирле үзидарә органнарының җаваплы вазыйфаи затлары, шулай ук Министрлык хезмәткәрләре катнашты.
Бүген Татарстан Дәүләт Советында узган матбугат конференциясендә республика закон проектларына коррупциягә каршы экспертиза турында фикер алыштылар. Юстиция министры Рөстәм Заһидуллин журналистларга республика хакимият органнарының закон проектлары эшчәнлеге нәтиҗәләре һәм норматив хокукый актларда һәм аларның проектларында коррупциоген факторларны ачыклау буенча эш нәтиҗәләре турында сөйләде.
Казан Кремленең Вәкиллек корпусында коррупциягә каршы юнәлештәге республика иҗади конкурсларында җиңүчеләрне һәм номинантларны бүләкләү тантанасы булды. Чарада бөтен республикадан мәктәп укучылары, студентлар, җәмәгать эшлеклеләре һәм журналистлар катнашты.