ЯҢАЛЫКЛАР

Дәүләт Думасында кәрәзле телефоннар урлау белән бәйле җинаятьләрне кисәтү турында закон проекты концепциясен эшләү буенча эшче төркем булдырылды дип хәбәр итә “Бердәм Россия” партиясенең матбугат хезмәте.

2008 елның 10 сентябрендәге 655 номерлы Татарстан Республикасы Карары нигезендә, 2008-2010 елларга “Татарстан Республикасында яшь гаиләләрне торак белән тәэмин итү” максатчан программаны тормышка ашыру кысаларында яшь гаиләләргә торак сатып алу өчен социаль түләүләр бирү кагыйдәләре расланды.

Кичә РФ федераль салым хезмәтенең Татарстан Республикасы буенча идарәсендә Татарстан Республикасында башкарма хакимият органнарының һәм җирле үзидарә органнарының банкротлык процедурасының нәтиҗәлелеген күтәрү һәм арбитраж идарәчеләр эшчәнлеген контрольдә тоту мәсьәләләре буенча үзара бәйләнеше буенча эшче төркем утырышы узды.

“Россия Федерациясендә судьялар статусы турында” Россия Федерациясе Законы нигезендә судья вәкаләтләрен башкару өчен кирәкле квалификация дәрәҗәсен күтәреп тору максатларында Россия правосудие академиясенең Казан филиалында ТР Юстиция министрлыгы тарафыннан Татарстан Республикасы җәмәгать судьялары һәм аларның аппараты хезмәткәрләренең квалификациясен күтәрү оештырылды.

Агымдагы елның III кварталында Татарстан Республикасы Юстиция министрлыгына муниципаль берәмлекләрдән Татарстан Республикасы норматив хокукый актларының бердәм банкына кертү өчен 755 муниципаль хокукый акт – җирле үзидарәнең вәкилле органнары карарлары, муниципаль берәмлек җитәкчеләре һәм муниципаль берәмлекнең башкарма комитет җитәкчеләре карарлары һәм боерыклары керде.

Татарстан Республикасы Юстиция министрлыгының Хокукый мәсьәләләр буенча җирле үзидарә органнары белән үзара бәйләнешне оештыру департаменты республиканың муниципаль берәмлекләр территорияләре чикләрен тасвирлау буенча эшне тәмамлый. Бүгенгә сүз авыллар арасындагы территорияләрне юк итү һәм муниципаль районнарның аерым территорияләре эчендәге чикләрен тәртипкә салу турында бара.

Бүген ТР юстиция министрының беренче урынбасары С.Н.Столяров 2008 елның 21 октябрендә “Казан” милли-мәдәни үзәктә “Татарстан Республикасында ришвәтчелеккә каршы стратегияне гамәлгә ашыруда “Бердәм Россия” партиясе активының һәм “Татарстан – яңа гасыр” иҗтимагый хәрәкәтенең роле һәм урыны” темасына семинар уздыру мәсьәләләре тикшерелгән ТР Дәүләт Советы киңәшмәсе эшендә катнашты.

“Татарстан Республикасы дәүләт граждан хезмәте турында” ТР Законында вәкаләтләре вакыт белән чикләнмәгән дәүләт хезмәте вазыйфаларын биләп торучы дәүләт хезмәткәрләренә класс чины квалификация имтиханы нәтиҗәләре буенча бирелә” диелгән.

Өлкән яшьтәге кешеләр ункөнлеге кысаларында ТР Юстиция министрлыгы Татарстан Республикасының Әфганстан Республикасында сугыш хәрәкәтләре ветераннары, Төньяк-Кавказ кораллы округы (ТККО) территориясендә кораллы бәрелеш һәм контртеррористик операцияләрдә катнашучылар мәсьәләләре буенча Координация советы, Әфганстандагы сугыш инвалидларының Татарстан Республикасы иҗтимагый оешмасы (ӘСИТРИО) һәм бүтән локаль бәрелешләр (БЛБ) белән бергә өлкәннәр көненә багышланган чара уздырдылар.

Кичә Саба муниципаль районы администрациясенең конференцияләр залында балигъ булмаганнар эшләре һәм аларның хокукын яклау буенча Республика комиссиясенең күчмә утырышы узды. Комиссия эшендә ТР юстиция министры урынбасары – Хокукый мәсьәләләр буенча җирле үзидарә органнары белән үзара бәйләнешне оештыру департаменты җитәкчесе А.А.Ощепков катнашты.