ЯҢАЛЫКЛАР

2007 елның 27 июлендә ТР Юстиция министрлыгында мәгариф кластерлары өлкәсендә автономияле учреждениеләр төзү мәсьәләсе буенча киңәшмә булды. Билгеле булганча, “Автономияле учреждениеләр турында” 2006 елның ноябрендә кабул ителгән Федераль закон нигезендә хәзерге вакытта гамәлдә булган дәүләт бюджет учреждениеләре белән чагыштырганда күбрәк мөстәкыйльлеккә ия мондый учреждениеләр фән, мәгариф, сәламәтлек саклау, мәдәният, социаль яклау, халыкның эш белән тәэмин ителеше, физик культура һәм спорт өлкәләрендә төзелә ала.

Кичә Татарстан Республикасы Министрлар Кабинетында ТР Премьер-министрының беренче урынбасары Р.Ф.Моратов рәислегендә “Автономияле учреждениеләр турында” Федераль законны гамәлгә ашыру мәсьәләсе буенча киңәшмә үтте, анда Татарстан Республикасы юстиция министры М.М.Корманов һәм министрның беренче урынбасары С.Н.Столяров катнаштылар.

2007 елның 26 июлендә Биектау районында Татарстан Республикасы юстиция министры М.М.Корманов Биектау муниципаль районы башлыгы Н.А.Сәгъдиев белән очрашты, алар Биектау районы чиген үзгәртү турында фикер алыштылар.

Татарстан Республикасы Министрлар Кабинетында Татарстан Республикасы юстиция министры М.М.Корманов Татарстан Республикасы Премьер-министры Р.Н.Миңнеханов белән очрашты, анда “Татарстан Республикасында җәмәгать судьялары суд участокларын һәм җәмәгать судьялары вазыйфаларын булдыру турында” Татарстан Республикасы Законына үзгәрешләр кертү хакында” ТР законы проекты, шулай ук җәмәгать судьялары эшчәнлеген матди-техник тәэмин итү мәсьәләсе, Татарстан Республикасы җәмәгать судьялары тарафыннан хөкем чыгаруны яхшырту юллары һәм чараларын эзләү турында фикер алышынды.

2007 елның 26 июлендә Казан шәһәрендә Татарстан Республикасында Суд департаменты Идарәсе бинасында 2007 елның беренче яртысына гомуми юрисдикциядәге судлар эшчәнлеге йомгаклары буенча массакүләм мәгълүмат чаралары вәкилләре белән матбугат очрашуы узды. Аның эшендә Татарстан Республикасы Судьялары советы рәисе И.И.Гыйләҗев, Татарстан Республикасы Югары суды рәисенең җинаять эшләре буенча урынбасары вазыйфаларын башкаручы Л.В. Романов, Татарстан Республикасы юстиция министры М.М.Корманов, Татарстан Республикасында Суд департаменты Идарәсе җитәкчесе Д.Җ.Сәлахов катнаштылар.

2007 елның 24-25 июлендә Бөгелмә шәһәрендә Татарстан Республикасы муниципаль районнары һәм шәһәр округларының башкарма комитетлары җитәкчеләре өчен семинар-укулар булды. Семинар-укулар эшенең беренче көнендә Бөгелмә муниципаль районы һәм Бөгелмә шәһәре башкарма комитетларының җитәкчеләре һәм белгечләре үзләренең эш тәҗрибәләре белән уртаклаштылар, шуннан соң барлык катнашучылар да шәһәр объектлары белән таныштылар.

Әлмәттә эш сәфәрендә булып, Татарстан Республикасы юстиция министры М.М.Корманов җәмәгать судьялары һәм аларның аппараты хезмәткәрләренең эш шартлары белән танышты.

2007 елның 24 июлендә Әлмәт татар дәүләт драма театры бинасында ТР буенча ЭЭМ коллегиясенең һәм Хокукый мәсьәләләр буенча ведомствоара координацияләү комитетының уртак күчмә утырышы булды. Ул “Татарстан Республикасында хокук бозуларны профилактикалау һәм юл хәрәкәте иминлеген күтәрү буенча үткәрелүче чараларның барышы турында” мәсьәләсенә багышланган иде.

Бүген Татарстан Республикасы Юстиция министрлыгында ведомствоның дәүләт серен һәм яшерен характердагы белешмәләрне саклау буенча Даими эшләүче техник комиссиясенең чираттагы утырышы булды, анда элек Татарстан Республикасы Иминлек советының мәгълүмати куркынычсызлык буенча ведомствоара советы утырышында әйтелгән тәкъдимнәргә нигезләнгән министрлыкта мәгълүматны саклау буенча чараларны гамәлгә кую планы расланды.