ЯҢАЛЫКЛАР

Кичә Татарстан Республикасы юстиция министры урынбасары – Хокукый мәсьәләләр буенча җирле үзидарә органнары белән багланышлар оештыру департаменты җитәкчесе А.А.Ощепков Татарстан Республикасының Саба ш.т.п.да гражданнарны күчмә кабул итте.

Бүген Татарстан Республикасы юстиция министры М.М.Корманов Татарстан Республикасы Министрлар Кабинетында видеоконференция режимында узган республиканың финанс, казначылык һәм салым органнары киңәшмәсендә катнашты.

Бүген Татарстан Республикасы Прокуратурасының утырышлар залында «Россия юристлары ассоциациясе» Гомумроссия иҗтимагый оешмасының Татарстан төбәк бүлекчәсен гамәлгә кую җыены булды.

Кичә Татарстан Республикасы Юстиция министрлыгында 2 разрядлы өлкән белгеч - Татарстан Республикасы Кукмара районы җәмәгать судьялары аппараты канцеляриясе җитәкчесе Татарстан Республикасы граждан хезмәте вакантлы вазыйфасын биләп торуга конкурс комиссиясе утырышы булды.

2007 елның 14 июлендә Татарстан Республикасы Министрлар Кабинетында Татарстан Республикасы Премьер-министры Р.Н.Миңнеханов катнашында Татарстан Республикасы Муниципаль берәмлекләр советы Президиумы утырышы булды. Президиум эшендә Татарстан Республикасы юстиция министры М.М.Корманов катнашты.

ТР Дәүләт Советының кече залында “Яңа тарих. ТР Дәүләт Советы журналистлар күзлегеннән” дигән яңа гына табадан төшкән китапны тәкъдир итү булды. Гаять үзенчәлекле бу китапның авторлары – республика газеталарының һәм журналларының баш мөхәррирләре, парламент корреспондентлары һәм депутатлар үзләре. Алар арасында ТР Юстиция министрлыгының “Хокук һәм хәят” журналының баш мөхәррире Хәлим Гайнуллин, “Республика Татарстан” газетасы баш мөхәррире Александр Латышев, ТР Дәүләт Советы матбугат үзәге җитәкчесе (1995-2003 еллар) Любовь Агеева һәм башка бик күпләр бар. Очрашудан файдаланып, алар парламентның төрле елларда кайнаган эшчәнлеге турында фикерләре белән бүлештеләр.

Кичә Татарстан Республикасы юстиция министрының беренче урынбасары С.Н.Столяров Татарстан Республикасы буенча Казначылык департаментында үткән “Татарстан Республикасының дәүләт заказы, инвестиция эшчәнлеге һәм төбәкара элемтәләр агентлыгы” дәүләт унитар предприятиесе тарафыннан дәүләт заказчылары исеменнән дәгъва бирү эшчәнлеге гамәлгә ашырылу механизмын билгеләү мәсьәләсе буенча киңәшмәдә катнашты.

12 июльдә республика парламентында ТР Дәүләт Советы Рәисе Фәрит Мөхәммәтшин 2007 елның беренче яртыеллыгында Татарстанның закон чыгару эшенә йомгак ясады. Очрашуда, журналистлардан тыш, ТР Юстиция министрлыгы вәкилләре дә бар иде.

“Татарстан Республикасы дәүләт хакимиятенең башкарма органнары төзелешенә үзгәрешләр кертү турында” 2007 елның 10 июлендә кабул ителгән УП-347 номерлы Татарстан Республикасы Президенты Указы нигезендә Татарстан Республикасының ике министрлыгы – Икътисад һәм сәнәгать министрлыгы һәм Сәүдә һәм тышкы икътисадый багланышлар министрлыгы бетерелде, Икътисад министрлыгы һәм Сәнәгать һәм сәүдә министрлыгы оештырылды.

2007 елның 12 июлендә Татарстан Республикасы Дәүләт Советында Татарстан Республикасының яңа оешкан муниципаль берәмлекләренең җирле үзидарә органнарының һәм күрсәтелгән муниципаль берәмлекләр территориясендә 2006 елның 1 гыйнварына кадәр җирле әһәмияттәге мәсьәләләрне хәл итү вәкаләтләрен гамәлгә ашырган органнарның мөлкәт йөкләмәләре буенча тапшыру (бүлү) актларын раслау турында Татарстан Республикасы законнары проектларын эшләү буенча киңәшмә булды.