ЯҢАЛЫКЛАР

Бүген Казан шәһәре Вахитов районының 39 номерлы гомуми белем бирү мәктәбендә “Хокукый сәгать” уздырылды. Татарстан Республикасы юстиция министры, Россия юристлары Ассоциациясенең Татарстан региональ бүлеге җитәкчесе М.М.Курманов инициативасы белән ТР юстиция Министрлыгы җитәкчеләре һәм белгечләре, Россия юристлары Ассоциациясенең региональ бүлеге вәкилләре 9-11 сыйныф укучылары өчен “Хокукый сәгать” үткәрделәр.

Татарстан Республикасы юстиция Министрлыгында “Хокук һәм хаять” журналы редакция советы утырышы узды. Редакция советы әгъзалары журналның 2010 елның 27 маенда Татар АССР оешуы көненә багышлап чыгарылачак өченче саны макеты хакында фикер алыштылар.

2010 елның 31 мартында Россия Федерациясе административ хокук бозулар кодексына кертелгән үзгәрешләр үз көченә керде (28.12.2009 елдагы 380-ФЗ номерлы Россия Федерациясе административ хокук бозулар кодексына үзгәрешләр кертү турында Федераль закон).

Татарстан Республикасы юстиция Министрлыгының эшчәнлеге планы нигезендә, җәмәгать судьялары участоклары эшчәнлеген оештыруны өйрәнү, архив эшчәнлегенә эш башкаруда, шулай ук башка җәмәгать судьялары аппараты, Татарстан Республикасы юстиция Министрлыгының җәмәгать судьяларын оештыру-хокукый ярдәм итү бүлеге белгечләренең хезмәти эшчәнлекләренә кагылышлы мәсьәләләр методик һәм практик ярдәм күрсәтү максатында 15.03.2010-26.01.2010 елдагы чорда Казан шәһәре Совет районы җәмәгать судьялары аппараты участокларының эшчәнлеген оештыруны тикшерү үткәрелде.

29 март көнне Мәскәүдә Россия юристлары Ассоциациясе бүлекләренең Бөтенроссия утырышы узды. Утырыш барышында Ассоциация эшчәнлегенең барлык юнәлешләре каралды, шул исәптән: халыкка түләүсез юридик ярдәм күрсәтү, юридик белем бирү сыйфатын күтәрү, норматив актларга бәйсез экспертиза үткәрү, “Ел юристы” премиясен тапшыру, яшьләр белән эшләү һ.б.

2010 елның 26 мартында ТАССР юстиця министры А.Г.Таҗетдинов истәлегенә багышланган, Татарстан Республикасы югары уку йортлары юридик факультетлары студентлары арасында уздырылган, VI Республика конкурсы тәмамланды. Финал турының җиңүчесе һәм Татарстан Республикасының иң яхшы студен-юристы булып А.Н.Туполев исемендәге Казан дәүләт техник университетының бизнес һәм мәгълүмати технологияләр институты 4 курс студенты Гилаева Юлия танылды.

Парламентарийлар балалар хокуклары буенча вәкаләтле вәкиле Павел Астаховның педофилларның җаваплылыгын катгыйлаштыру турындагы тәкъдимен хупларга әзер.