ЯҢАЛЫКЛАР

“Татарстан Республикасы Электрон Хөкүмәте” комплекслы проектын тормышка ашыру барышы турында” 2009 елның 20 апрелендәге 255 номерлы Татарстан Республикасы Министрлар Кабинеты Карары нигезендә министрлыкларга һәм ведомстволарга Электрон Хөкүмәт проектын үстерү бурычы куелган.

РФ Президенты хәрби исәпкә алу өчен хәрби комиссариатка килү бурычы йөкләтелгән затларның категорияләрен билгеләүче “Хәрби хезмәт турында” Федераль законның 10 һәм 35 статьяларына үзгәрешләр кертү хакында” Федераль законга кул куйды.

2009 елның 14 апрелендәге УП-188 номерлы Татарстан Республикасы Президенты указы нигезендә Татарстан Республикасында Татарстан Республикасы башкарма хакимияте органнарының федераль башкарма хакимият органнарының территориаль органнарының җирле үзидарә органнарының үзара бәйләнеш мәсьәләләре буенча Координация советы турында Нигезләмә һәм аның составы расланды.

Россия Президенты Дмитрий Медведев балигъ булмаган балаларның кичке вакытта һәм төнлә җәмәгать урыннарында булуларын чикләүче “Россия Федерациясендә бала хокукларының төп гарантияләре турында” федераль законга үзгәртүләрне раслады дип хәбәр итте чәршәмбе көнне Кремльнең матбугат үзәге.

2009 елның 29 апрелендә Татарстан Республикасы Юстиция министрлыгы Татарстан Республикасы Коррупциягә каршы сәясәтен гамәлгә ашыру бүлеге һәм Татарстан Республикасы Дәүләт Советы белән берлектә Татарстан Республикасы закон проектларына, Татарстан Республикасының башкарма хакимият органнары һәм җирле үзидарә органнарының норматив хокукый актларына коррупциягә каршы экспертиза үткәрүне оештыру һәм хокукый мәсьәләләр буенча семинар-практикум үткәрелде.

2009 елның 21 апрелендәге 9 номерлы Россия Федерациясе Югары суды Пленумы Карары нигезенә “Россия Федерациясендә җәмәгать судьялары турында” Федераль законның 3 статьясына һәм Россия Федерациясе Граждан процессуаль кодексының 23 статьясына үзгәрешләр кертү хакында” федераль закон проектын Дәүләт Думасына кертү карары кабул ителде.

Россия законнары “суд карарлары үтәлмәү аркасында барлыкка килгән зыянны түләү һәм компенсацияләү” механизмын эшләүдә мохтаҗ. Шундый фикерне “Бердәм Россия” матбугат үзәгенә Россия Федерациясендә кеше хокуклары буенча вәкаләтле вәкил Владимир Лукинның ил Президентына тапшырылган 2008 елга докладына комментарий биреп, граждан, җинаять, арбитраж һәм процессуаль законнар буенча дума комитеты депутаты, ПАСБ юридик комиссия әгъзасы Дмитрий Вяткин әйтте.

2009 елның 20 апрелендә “Татарстан Республикасының дәүләт һәм муниципаль белем бирү учреждениеләренең педагогик хезмәткәрләренә сыйныф җитәкчесе функцияләрен башкарган өчен түләүне билгеләү турында” 18.01.2007 елдагы 12 номерлы Татарстан Республикасы Министрлар Кабинеты карарына үзгәреш кертелде.

Бүген Татарстан Республикасы Министрлар Кабинетында Татарстан Республикасы Премьер–министрының беренче урынбасары Р.Ф.Моратов рәислегендә Хокук мәсьәләләре буенча ведомствоара координация комитеты утырышы узды.