ЯҢАЛЫКЛАР

Кичә Татарстан Республикасы Дәүләт Советында Мәдәният, фән, мәгариф һәм милли мәсьәләләр комитеты утырышы булды, анда бер төркем, аерым алганда, “Татарстан Республикасында мәдәни мирас объектлары турында” Татарстан Республикасы Законына үзгәрешләр кертү хакында”, “Мәдәният турында” Татарстан Республикасы Законына үзгәрешләр кертү хакында” Татарстан Республикасы закон проектлары турында фикер алышынды.

Бүген Татарстан Республикасы юстиция министры М.М.Корманов парламент тыңлауларында катнашты. Алар Татарстан Республикасы Дәүләт Советында “2008 елга Татарстан Республикасы бюджеты турында” закон проекты буенча үтте.

2007 елның 28 сентябрендә Россия Федерациясе Хөкүмәтендә 625 номерлы карар чыкты, анда беренчел тикшерү органнары, башлангыч тикшерү органнары яки суд билгеләве буенча җинаять суд эшләрен алып баруда яклаучы сыйфатында катнашкан адвокатның хезмәте өчен түләү катгый суммада, аерым алганда, бер көн катнашу өчен - 275 сумнан ким һәм 1100 сумнан да артык, ә эш көне булмаган бәйрәм көнендә яки ял көне булган көнендә, шулай ук төнлә катнашкан өчен 550 сумнан ким һәм 2200 сумнан да артык була алмый.

ТР Министрлар Кабинеты Президиумының июнь аенда узган Татарстан Республикасы җәмәгать судьялары тарафыннан суд эшчәнлеген башкару һәм гражданнарны кабул итү өчен муниципаль районнарда шартлар тудыру мәсьәләсе карап тикшерелгән утырышыннан соң, республиканың 7 районында муниципаль район администрацияләре җәмәгать судьяларын урнаштыру өчен биналар бүлеп бирде. 2007 ел дәвамында барлыгы Татарстан Республикасының сигез районында җәмәгать судьялары аппараты яңа урында теркәлделәр. Үз бинасы булган җәмәгать судьялары участокларының соңгысы - Мөслим муниципаль районы җәмәгать судьясы булды.

2007 елның 6-7 октябрендә Зеленодольск шәһәрендә футбол ветераннары командалары арасында Виктор Колотов истәлегенә багышланган традицион футбол турниры узды, монда Казан шәһәре җыелма командасы үз капкаларына бер туп та кертмичә 1 нче урынны яулады. Беренчелеккә Марий-Эл җыелма командасы капкасына безнекеләрнең унбер метрлы тибү сериясе чыгарды.

“Россия Федерациясендә судьялар статусы турында” РФ Законы, “Россия Федерациясе дәүләт граждан хезмәте турында”ФЗ һәм “Татарстан Республикасы дәүләт граждан хезмәте турында” ТР Законы нигезендә җәмәгать судьялары һәм аларның аппаратлары хезмәткәрләре һәр өч ел саен квалификация күтәрү курсларында укырга тиешләр. Татарстан Республикасы Юстиция министрлыгы законнар таләпләре нигезендә ел саен елга ике тапкыр (яз һәм көз) җәмәгать судьялары һәм аларның аппаратлары хезмәткәрләре өчен квалификация күтәрү курслары оештыра.

Кичә Казанда Бөтенроссия фәнни-гамәли конференция булды, ул җирле үзидарәне үзгәртеп коруның бүгенге дәверендә җирле үзидарә органнары, башкарма хакимиятнең территориаль органнары, иҗтимагый оешмалар багланышларының нәтиҗәле механизмнарын барлыкка китерү мәсьәләләренә багышланды, аны Россия Федерациясенең Төбәкләрне үстерү министрлыгы тәкъдиме белән Татарстан Республикасы Юстиция министрлыгы, РФ Төбәкләрне үстерү министрлыгының Федератив мөнәсәбәтләр, дәүләт идарәсе һәм җирле үзидарә департаменты, Сәнәгатьтә икътисад һәм идарә институты оештырдылар.

Яңа чакырылыштагы Дәүләт Думасы депутатларын сайлау кампаниясен үткәрү вакытында законлылыкны тәэмин итү максатыннан Генераль прокурор Ю.Я. Чайка “РФ Федераль Җыены Дәүләт Думасы депутатларын сайлау турында законнарның үтәлешен прокурор күзәтчелегенә алуны оештыру турында” Күрсәтмәгә кул куйды.

Кичә Татарстан Республикасы Юстиция министрлыгында Хокукый мәсьәләләр буенча ведомствоара координацияләү комитетының Эксперт советы утырышы булды, анда Хокукый мәсьәләләр буенча ведомствоара координацияләү комитеты тикшерүенә тәкъдим ителүче берничә заон проекты карап тикшерелде.

Казан шәһәре инфраструктурасын камилләштерү, республика башкаласының киләчәктә икътисадый үсеше өчен шартлар тудыру зарурлыгы шәһәр чикләрен киңәйтүне таләп итә. Бу максатларда Татарстан Республикасы Министрлар Кабинеты Казан шәһәре, шулай ук шәһәргә терәлеп торучы һәм Биектау, Лаеш, Питрәч муниципаль районнары составына керүче кайбер муниципаль берәмлекләрнең чикләрен үзгәртү инициативасы белән чыкты. Бу мәсьәлә буенча 2007 елның 29 сентябрендә Татарстан Республикасы Хөкүмәтенең 527 номеры карары дөнья күрде.