ЯҢАЛЫКЛАР

Татарстан Республикасы юстиция министры М.М.Корманов Чаллы шәһәр округында эшлекле сәфәрдә булды һәм чираттагы тапкыр Тарловка поселогы халкы белән аларның поселокларының кайсы территориягә каравы турында бәхәсле мәсьәләне хәл итү өчен очрашты.

Штрафларны түләмәгән өчен йөртүчеләр 15 тәүлеккә кадәр административ кулга алынырга мөмкиннәр, дип хәбәр итә РФ Федераль суд приставлары хезмәте.“Йөртүчеләрнең утыз көн эчендә ЮХИДИ органнары салган штрафларны түләмәве билгеле булганда, ЮХИДИ хезмәткәрләре әлеге затны РФ АПКның 1 өлеш 20.25 статьясы тәртибендә җаваплылыкка тарту турында мәсьәләне карап тикшерергә тиеш.

Татарстан Республикасы Юстиция министрлыгында ТР Юстиция министрлыгының Бердәм комиссиясе утырышы булды, анда Россия суд эшчәнлеге академиясенең Казан филиалында квалификация күтәрү курсларында уку дәверендә җәмәгать судьяларының һәм аларның аппаратлары хезмәткәрләренең кунакханәдә яшәүләрен бәяләү турында мәсьәлә карап тикшерелде.

2006-2008 елларга Татарстан Республикасы Юстиция министрлыгында Коррупциягә каршы сәясәт стратегиясен гамәлгә ашыру буенча Программаны үтәү барышы турында мәсьәләне бүген Министрлыкның ачык утырышында тикшерделәр. Төп доклад белән Министрлыкның эшләр идарәчесе С.А.Брусов чыгыш ясады. Ул Юстиция министрлыгында Программаның үтәлеше буенча эшчнең куелышы, шулай ук Коррупциягә каршы сәясәтне гамәлгә ашыру буенча Республика программасы буенча Министрлык вәкаләтләре турында сөйләде.

Бүген ТР юстиция министрының беренче урынбасары С.Н.Столяров Татарстан Республикасы Президентының Дәүләт һәм муниципаль идарә академиясендә чыгыш ясады, анда Татарстан Республикасы шәһәр һәм авыл җирлекләре башлыклары урынбасарлары укулары үтә.

Бүген Татарстан Республикасы Юстиция министрлыгында Татарстан Республикасы Алексеевск, Балык Бистәсе һәм Чистай муниципаль районнарының финанс-бюджет палаталары вәкилләре белән эш киңәшмәсе булды. Анда сүз яңа оешкан муниципаль районнарның җирле үзидарә органнарының һәм 2006 елның 1 гыйнварына кадәр күрсәтелгән муниципаль районнар территорияләрендә җирле әһәмияттәге мәсьәләләрне хәл итү вәкаләтләрен гамәлгә ашырган органнарның мөлкәти йөкләмәләре буенча бирү (бүлү) актларын раслау турында закон проектларын эшләп бетерү мәсьәләләре хакында барды.