ЯҢАЛЫКЛАР
Татарстан Республикасы юстиция министры Рөстәм Заһидуллин аппарат киңәшмәсендә Гавриил Романович Державин исемендәге республика премиясенә гаризалар кабул итү эшен активлаштырырга кушты.
Министрлыкның бөлгенлек (банкротлык) мәсьәләләре буенча башкарма хакимиятнең республика органнары белән хезмәттәшлек секторы мөдире Дарья Бекмансурова планлы мәгълүмати мониторинг кысаларында Интернет челтәрендә кредиторларның хокукларын бозарга һәм Суд приставлары федераль хезмәтенең законлы эшчәнлегенә комачауларга мөмкин булган белешмәләр таралуын ачыклады.
Татарстан Республикасы Юстиция министрлыгы хәрби хезмәткәрләрнең гаиләләренә карата мошенниклык схемасы барлыкка килү турында хәбәр итә. Татарстан Дәүләт юридик бюросы хезмәткәрләре җинаятьчеләрнең җайга салынган схема буенча эш иткән очраклар сериясен теркәгән. Шалтыратучылар үзләрен Оборона министрлыгы белән бәйле дәүләт структуралары хезмәткәрләре дип таныштыралар һәм хәрбиләргә бирелми калган бүләкләр яки тиешле компенсацияләр турында хәбәр итәләр икән.
Бүген Министрлыкта Хокук мәсьәләләре буенча ведомствоара координация комитетының Экспертлар советы утырышы узды. Әлеге совет эшчәнлеген тәэмин итүдә төп рольне Наталья Юрьевна Казанцева җитәкчелегендәге хокукый экспертиза һәм нормалар иҗат итү эшчәнлеге бүлеге уйный. Бүлек составына 7 югары квалификацияле белгеч керә, алар Татарстан Республикасы Хөкүмәтенең закон проектлары эшчәнлеген тәэмин итү функцияләрен дә үтиләр.
Коррупциягә каршы бюллетеньнең яңа чыгарылышында Татарстан Республикасы юстиция министры Рөстәм Заһидуллин республикада коррупциягә каршы системалы эшчәнлек нәтиҗәләрен тәкъдим итте һәм халык арасында коррупция очракларының сизелерлек кимүен билгеләп үтте.
2025 ел йомгаклары буенча Татарстан муниципаль регистрга кертелгән норматив хокукый актлар саны буенча Идел буе федераль округында лидерлыкны саклап кала. Бу нәтиҗәгә ирешүдә документларны регистрга кертү процессын уңышлы цифрлаштыру сизелерлек роль уйнады.
Махсус хәрби операция ветераннарына һәм анда катнашучыларга ярдәм автомат рәвештә күрсәтелми. Социаль гарантияләр алу өчен үз статусыңны тиешле документлар белән расларга кирәк.
Татарстан Республикасы Гадәттән тыш хәлләр министрлыгы һәм Юстиция министрлыгы республикада яшәүчеләрне агымдагы чорда сулыклардагы боз өстенә керү куркыныч булуы турында кисәтә.
Бүген Татарстан Республикасында Кеше хокуклары буенча вәкаләтле вәкил каршындагы экспертлар советының киң вәкиллекле утырышында гражданнар хокукларын яклау өлкәсендәге эшчәнлекнең төп юнәлешләре турында фикер алыштылар. Утырыш эшендә республиканың юстиция министры Рөстәм Заһидуллин катнашты.
Татарстан Республикасы Юстиция министрлыгында Хокук мәсьәләләре буенча ведомствоара координация комитетының эш төркеме утырышы булды. Анда сугышчан хәрәкәтләр ветераннары өчен эш урыннарын квоталау турындагы закон проекты турында фикер алыштылар. Киңәшмәне юстиция министрының беренче урынбасары Илья Гомзик үткәрде.