ЯҢАЛЫКЛАР

2012 елның 27 сентябрендә Татарстан Республикасы Юстиция министрлыгының Хокук мәсьәләләре буенча җирле үзидарә органнары белән үзара хезмәттәшлекне оештыру департаменты, Татарстан Республикасы норматив хокукый актларының бердәм банкы бүлеге, мәгълүмат-аналитика эше, координацияләү һәм планлаштыру бүлеге, Татарстан Республикасы Муниципаль берәмлекләр советы белгечләре, муниципаль районның җирле үзидарә органнарына хокукый һәм методик ярдәм күрсәтү өчен, Мамадыш муниципаль районына чыктылар.

2012 елның 26 сентябрендә Татарстан Республикасының Алексеевск муниципаль районы территориясендә авыл җирлекләре халкына түләүсез юридик ярдәм күрсәтү буенча мәгълүмат-консультация төркеме тарафыннан күчмә кабул итү булды.

2012 елның 21 сентябрендә Татарстан Республикасында Россия юристлары ассоциациясенең Татарстан төбәк бүлеге һәм Татарстан Республикасы Юстиция министрлыгы тарафыннан Халыкара өлкәннәр көне уңаеннан оештырылган Түләүсез юридик ярдәм көне узды.

2012 елның 20 сентябрендә Татарстан Республикасы Министрлар Кабинеты карары белән “2013-2015 елларга Татарстан Республикасында җәмәгать юстициясе институтын үстерү” озак вакытлы максатчан программасы расланды. Ул Татарстан Республикасы Президенты Р.Н.Миңнеханов һәм Татарстан Республикасы Премьер-министры .Ш. Халиков йөкләмәләренә ярашлы рәвештә Татарстан Республикасы Юстиция министрлыгы тарафыннан эшләнде.

2012 елның 24 сентябрендә Татарстан Республикасы Юстиция министрлыгының Хокук мәсьәләләре буенча җирле үзидарә органнары белән үзара хезмәттәшлекне оештыру департаменты хезмәткәрләре, муниципаль районның җирле үзидарә органнарына хокукый һәм методик ярдәм күрсәтү өчен, Апас муниципаль районына барып кайттылар.

2012 елның 21-22 сентябрь көннәрендә Татарстан Республикасында “Халыкча балык тоту – 2012” Бөтенроссия фестиваленең дүртенче йомгаклау этабы булды. Татарстан Республикасы Юстиция министрлыгының җәмәгать судьялары эшчәнлеген тәэмин итү бүлеге җитәкчесе урынбасары Антон Воробьев, әлеге бәйгедә катнашып, фестивальнең “Халык балыкчысы” дигән төп номинациясендә мактаулы 3 нче урынны алды.

Шимбә көнне, 2012 елның 23 сентябрендә, Казанда «Татарстан кроссы– 2012» массакүләм республика узышлары булды. Икенче ел рәттән чабыш кысаларында велисопедчылар да узыша, шул исәптән министрлар һәм республика һәм дә федераль дәүләт хакимияте органнары җитәкчеләре үзара көч сынаша. 5 километрга тигез дистанциягә велокроссның VIP-узышында финишка беренче булып Татарстан Республикасы юстиция министры М.М.Корманов килде.

Татарстан Республикасы Премьер-министры урынбасары, Татарстан Республикасы Хөкүмәтенең Хокук бозуларны профилактикалау комиссиясе рәисе Ә.Ә.Сәфәров йөкләмәсе нигезендә 2012 елның 18 - 20 сентябрь көннәрендә Татарстан Республикасы Хөкүмәтенең Хокук бозуларны профилактикалау комиссиясенең эш төркеме тарафыннан Татарстан Республикасы Бөгелмә һәм Ютазы муниципаль районнарында   хокук бозуларны профилактикалау буенча эшне оештыру торышын өйрәнү буенча Татарстан Республикасы юстиция министры М.М.Корманов җитәкчелегендә комплекслы күчмә тикшерү үткәрелде.

2012 елның 21 сентябрендә Татарстан Республикасы Азнакай муниципаль районы гражданнарын видео аша кабул итү булды, аны Татарстан Республикасы юстиция министры М.М.Корманов уздырды. Видео аша кабул итүдә Татарстан Республикасы Азнакай муниципаль районы башлыгы Н.М.Нәгыймов катнашты.