ЯҢАЛЫКЛАР

Д.Медведев “Арадашчы катнашында бәхәсләрне җайга салуда альтернатив процедуралар (медиация процедурасы) турында” Федераль законга кул куйды. Бу документ Россия Федерациясендә альтернатив (юрисдикциячел булмаган) бәйсез затлар – үз эшчәнлекләрен профессиональ дәрәҗәдә башкара торган, шулай ук Россия Федерациясенең суд системасына булган йөкләмәне киметү максатында эш итүче медиаторлар катнашында бәхәсләрне җайга салу ысулларының хокукый шартларын булдыруга юнәлдерелгән

Д.Медведев “Россия Федерациясенең аерым закон актларына үзгәрешләр кертү һәм ана (гаилә) капиталы средстволары исәбенә бер тапкыр бирелә торган түләү тәртибе турында” Федераль законга кул куйды.

Киләсе елда Россиядә юллар фонды булдырылачак – аның средстволары юлларны төзекләндерүгә һәм ремонтлауга тотылачак. Президентның шушы карары турында брифингта вице-премьер – РФ финанслар Министры А. Кудринхәбәр итте.

“Россия Федерациясендә судлар эшчәнлеге турында мәгълүматка үтемлелекне тәэмин итү турында” 22.12.2008 елдагы 262-ФЗ номерлы Федераль закон 2010 елның 1 июлендә үз көченә керде. Югарыда күрсәтелгән Законны башкару нигезендә Татарстан Республикасында “Татарстан Республикасы Конституция суды эшчәнлеге турында мәгълүматка үтемлелекне тәмин итү турында” Закон кабул ителде.

РФ Хакимияте рәисе 2010 елның 15 июлендә 1174-Р номерлы карарга кул куйды. Бу документ нигезендә автомобиль йөртергә өйрәтүче мәктәпләр автомобиль йөртү теориясен һәм практикасын укыту, шулай ук имтиханнар кабул итү хокукы өчен аккредитация алу мөмкинлегенә ия булалар.

Хакимият кәрәзле элемтә операторларына яңа проект тәкъдим итте. Бу проект нигезендә юл йөрү кагыйдәләрен бозган штраф салынган автомобиль йөртүчеләр кесә телефоннары ярдәмендә аларны түли алачаклар. Түрәләр бу тәкъдим белән инде "Вымпелком” администрациясенә чыктылар. Шулай ук проектта МТС һәм “Мегафон” да катнашачак дип көтелә.

Президент “Юл хәрәкәте иминлеге турында” Федераль законның 19 статьясына үзгәрешләр кертү һәм Россия Федерациясенең закон чыгаручы актларының аерым нигезләмәләре үз көчләрен югалтуларын тану хакында” Федераль законга кул куйды.

2010 елның 21-22 июлендә “Казан” тау чангыларында шуу курортында “Дәүләт (муниципаль) учреждениеләренең хокукый хәлен үстерү нигезендә Россия Федерациясенең аерым закон чыгаручы актларына үзгәрешләр кертү турында” Федераль законны гамәлгә ашыру максатында Россия Федерациясе субъектлары өчен модель норатив хокукый актлар әзерләү буенча эшче төркем утырышы узды.