ЯҢАЛЫКЛАР

2010 елның 24 июлендә Татарстан Республикасы Президенты “Татарстан Республикасында җәмәгать судьялары эшчәнлеге турындагы мәгълүматка үтемлелекне тәэмин итү хакында” 55-ТРЗ номерлы Законга кул куйды. Закон 262-ФЗ номерлы Федераль законны башкаруга юнәлдерелгән, ул Татарстан Республикасы җәмәгать судьялары эшчәнлеге турында мәгълүматка үтемлелек тәэмин итүнең үзенчәлекләрен, Федераль закон тарафыннан җайга салынмаган өлешендә, билгели.

Роспотребнадзор тарафыннан эш бирүчеләргә 25 тән 40 яшькә кадәр җылылыкка түземле булган хезмәткәрләрне генә эсселек һәм төтен шартларында урамда эшләргә рөхсәт итәргә тәкъдим ителә.

“Россия Федерациясе административ хокук бозулар Кодексына үзгәрешләр кертү турында” 2010 елның 23 июлендәге 175-ФЗ номерлы Федераль законы бүген үз көченә керде. Бу документ нигезендә номерсыз йөрүче яисә номерларын төрлечә “бизәргә” тырышучы машина йөртүчеләргә 5 мең сум күләмендәге штраф яки машина йөртү таныклыгыннан бер айдан алып өч айга кадәр мәхрүм ителү яный.

Д.Медведев “Россия Федерациясенең аерым закон чыгаручы актларына үзгәрешләр кертү турында” Федераль законга кул куйды. Федераль закон тарафыннан “Бөтенроссия халык санын алу турында” һәм “Шәхси мәгълүматлар турында” федераль законнарга үзгәрешләр кертелә. Әлеге үзгәрешләр нигезендә субъектның милләте турындагы шәхси мәгълүматларын, аның язма рөхсәтеннән башка эшкәртү, шулай ук халык санын алу кәгазендә милләт турындагы сорауга җавапны һичшиксез сорау алынучы тарафыннан тутыру мөмкинлеге бирелә.

Дәгъва гаризаларын арбитражга Интернет аша җибәрергә рөхсәт бирелде. “Электрон гадел хөкем” системасы тиздән эшли башлаячак: документларны Интерет сайтлар аша җибәрү мөмкинлеге булдырылачак.

Кремль матбугат үзәге хәбәр иткәнчә, аерым закон актларына авыл халкы өчен даруларның үтемлелек сәләтен күтәрүгә юнәлдерелгән үзгәрешләр кертелде. Яңа закон аптекалары булмаган авыл җирләрендә фармацевтика эшчәнлеге белән шөгыльләнү хокукына кагыла.

2010 елның 14 июлендә “Казан шәһәрендә яшәүче гражданнарның аерым категорияләренә түләүсез юридик ярдәм күрсәтү турында” Казан шәһәре муниципаль берәмлегенең башкарма комитеты карары кабул ителде. Бу документ нигезендә Казан шәһәрендә яшәүче гражданнарның аерым категорияләренә түләүсез юридик ярдәм күрсәтү тәртибе расланды.

Региональ үстерү министрлыгы хакимияткә яңа “ТКХ уңайлыклары белән тәэмин итү кагыйдәләрен” тәкъдим итәргә әзер. Үзгәрешләр хупланса, Россиялеләргә судан һәм газдан файдалануны исәпләү җиһазларын куйдыруга якын килүләрен үзгәртергә туры киләчәк.

РФ Президенты “Дәүләт һәм муниципаль хезмәт күрсәтүләрне оештыру турында” Федераль законны кабул итү нигезендә Россия Федерациясенең аерым закон чыгаручы актларына үзгәрешләр кертү турында” 2010 елның 29 июлендәге 227-ФЗ номерлы Федераль законга кул куйды.