ЯҢАЛЫКЛАР

Татарстан Республикасы Юстиция министрлыгында норматив хокукый актларга һәм норматив хокукый актлар проектларына коррупциягә каршы бәйсез экспертиза уздыру буенча экспертларның еллык республика конкурсын уздыру комиссиясенең йомгаклау утырышы булды.

Татарстан Республикасы дәүләт юридик бюросы махсус хәрби операциядә катнашучыларга һәм аларның гаилә әгъзаларына түләүсез юридик ярдәм күрсәтүне дәвам итә. Атна саен, пәнҗешәмбе көннәрендә, ТР Дәүләт юридик бюросы җитәкчесе урынбасары Рафаэль Гыйниатуллов “Ватанны саклаучылар” фондының республика филиалы базасында гражданнарны кабул итә.

Татарстан Республикасы Юстиция министрлыгында Татарстан Республикасы җәмәгать судьялары аппаратларының дәүләт хезмәткәрләренә аттестация үткәрү буенча аттестацияләү комиссиясе утырышы булды.

Татарстан Республикасы Юстиция министрлыгында Экспертлар советы әгъзалары махсус хәрби операциядә катнашучы затларга һәм аларның гаилә әгъзаларына социаль ярдәм өлкәсендә мөнәсәбәтләрне хокукый җайга салу үзенчәлекләре турындагы Законның 2 статьясына үзгәрешләр кертүгә юнәлдерелгән закон проектын карадылар һәм хупладылар.

Казан шәһәре Идел буе районының 136 нчы мәктәбендә Татарстан Республикасы Юстиция министрлыгының түләүсез юридик ярдәм күрсәтүне оештыру һәм планлаштыру бүлеге җитәкчесе Илфат Мингалимов 9-11 сыйныф укучылары белән очрашты. Яшьләрнең хокукый хәбәрдарлыгын арттыруга юнәлдерелгән бу мөһим чарада 60ка якын укучы катнашты.

КФУның дәүләт һәм муниципаль идарә югары мәктәбендә авыл җирлекләре башлыклары өчен “Авыл җирлекләре белән идарә итүгә заманча алымнар” программасы буенча укулар башланды.

Казанда, Бокс һәм теннис үзәгендә, Татарстан Республикасы Дәүләт хезмәткәрләре Спартакиадасы кысаларында өстәл теннисы буенча ярышлар узды.

Федераль порталда бастырылган закон проекты нигезендә, җәмәгать судьялары салым бурычларын түләтү турындагы эшләрне бүтән карамаячак. Салым органнары физик затлардан салым бурычларын суд приставлары хезмәте аша суд тикшерүләреннән башка түләтә алачак. Бу яңалык бурычларны кайтару процессын гадиләштерүгә һәм тизләтүгә юнәлдерелгән.

Казанда яшәүче аз керемле ханым “Татарстан Республикасында юстицияне үстерү” дәүләт программасы кысаларында алынган түләүсез юридик ярдәм өчен ихлас рәхмәтен белдерде. 2021 елның декабрендә ул Татарстан Республикасы Юстиция министрлыгына ярдәм сорап мөрәҗәгать иткән, һәм шуннан бирле аның мәнфәгатьләрен “Столица” ТР Адвокатлар коллегиясе адвокаты Вера Геннадьевна Грохова яклый башлаган.

Татарстан Республикасы юстиция министры урынбасары Мөхәррәм Ибәтов Балык Бистәсе муниципаль районында муниципаль нормалар иҗат итүнең сыйфатын күтәрүгә юнәлдерелгән киңәшмә үткәрде.