ЯҢАЛЫКЛАР

ТР Юстиция министрлыгы һәм җирле үзидарә органнары вәкилләренең багланышлары турында Татарстан Республикасы Муниципаль берәмлекләр советы Президиумы утырышында сөйләделәр, ул бүген ТР Министрлар Кабинетында узды. Утырышта Татарстан Республикасы Премьер-министрының беренче урынбасары Р.Ф.Моратов катнашты.

Республикада 9-11 сыйныф укучылары өчен шәһәр һәм район хокук олимпиадалары старт ала. 2008 ел башында Мәктәп укучылары өчен республика хокук олимпиадасын үткәрү күз алдында тотыла.

“Шәхси мәгълүматларның мәгълүмати системаларын эшкәрткәндә Шәхси мәгълүматларның куркынычсызлыгын тәэмин итү турында нигезләмәне раслау хакында” 2007 елның 17 ноябрендә 781 номерлы РФ Хөкүмәте карары кабул ителде.

2007 елның 8 ноябрендә Татарстан Республикасы Президенты “Татарстан Республикасында суд участокларын төзү һәм җәмәгать судьялары урыннарын булдыру турында” Татарстан Республикасы Законына үзгәрешләр кертү хакында” ТР Законына кул куйды. Аның нигезендә Әлмәт, Бөгелмә, Алабуга, Казан, Чаллы, Түбән Кама, Чистай һәм Минзәлә районнарында җәмәгать судьяларының саны арттырыла.

2007 елның 19-20 ноябрендә Казанда “Кеше хокукларын саклау мониторингы: гражданнар хокукларын яклауда дәүләт органнарының һәм хөкүмәтнеке булмаган хокук саклау оешмаларының тоткан урыны” темасына Халыкара конференция узды, аның эшендә Татарстан Республикасы Юстиция министрлыгының эшләр идарәчесе С.А.Брусов катнашты.

Хакимият органнары эшчәнлегенең иң мөһим юнәлешләренең берсе - наркотик чаралар һәм психотроп матдәләрнең законсыз әйләнешенә каршы тору. Халыкның наркотиклар куллануына каршы көрәшнең төп аспектларының берсе булып наркотикларны медицинадан тыш куллануга юл куючы затларны вакытында ачыклау буенча чаралар күрү тора.

Бүген ТР юстиция министры М.М.Корманов Министрлыкның структур бүлекчәләре җитәкчеләре белән эш киңәшмәсе үткәрде, анда дәүләт нотариаль контораларын бетерү һәм нотариусларны хосусый тәҗрибә эшчәнлегенә күчерү мәсьәләсе турында фикер алышынды.