ЯҢАЛЫКЛАР
2012 елның 1 декабрендә, юристларның һөнәри бәйрәме алдыннан, Татарстан Республикасы юстиция министры, Россия юристлары ассоциациясенең Татарстан төбәк бүлеге рәисе М.М.Корманов РФ Тикшерү комитетының Татарстан Республикасы буенча Тикшерү идарәсе хезмәткәрләре белән очрашты. Ул Россия юристлары ассоциациясе эшчәнлеге, Ассоциациянең устав бурычлары һәм максатлары турында сөйләде, РЮАнең Татарстандагы төбәк бүлеге эше турында мәгълүмат җиткерде һәм катнашучыларның сорауларына җавап бирде.
Бүген, 30 ноябрьдә, Бөгелмәдә республиканың юстиция министры М.М.Корманов, ТР Югары Суды рәисе И.И.Гыйләҗев, Бөгелмә муниципаль районы башлыгы И.А.Касыймов, шәһәр җәмәгатьчелеге вәкилләре, Татарстанның көньяк-көнчыгышындагы җәмәгать судьялары корпусы катншында җәмәгать судьяларының яңа дүрт катлы бинасын тантаналы ачу булды.
2012 елның 28 ноябрендә ТР Юстиция министрлыгында Россия Федерациясе Федераль Собраниесе Дәүләт Думасы депутаты М.М.Галимәрдәнов рәислегендә Татарстан Республикасы икътисадына федераль бюджет акчасын җәлеп итү мәсьәләсе буенча 12 нче эшче төркемнең чираттагы уырышы булды.
Кичә, 2012 елның 28 ноябрендә, Татарстан Республикасы Мәдәният министрлыгының утырышлар залында Татарстан Республикасы муниципаль берәмлекләренең юридик хезмәтләрендә эшләүчеләрне укыту буенча Татарстан Республикасы Юстиция министрлыгы тарафыннан оештырылган чираттагы семинар узды.
2012 елның 28 ноябрендә Татарстан Республикасы юстиция министры М.М.Корманов Татарстан Республикасы Баулы муниципаль районы гражданнарын кабат видео аша кабул итте. Министр он-лайн тәртибендә 10 гражданның сорауларына җавап бирде. Кызыксындырган мәсьәләләрнең өчесе - муниципаль законнарга, берәр сорау җир, гражданлык, процессуаль законнарга һәм җирле үзидарә турындагы законнарга кагылышлы булды, икесе - торак законнарын һәм берсе – “Персональ мәгълүматлар турында” ФЗ куллану белән бәйләнешле булды.
2012 елның 23 ноябрендә Россия Юстиция министрлыгында РФ Юстиция министрлыгы коллегиясе утырышы булды. Анда “Россия Федерациясендә түләүсез юридик ярдәм күрсәтү системасы торышы турындагы мәсьәлә турында фикер алыштылар. Утырышта Татарстан Республикасы Юстиция министрлыгының аналитика һәм норматив-методик эш бүлегенең әйдәп баручы киңәшчесе Евгений Кириллов, Россия юристлар ассоциациясенең Татарстан төбәк бүлеге каршындагы Яшь юристлар советы рәисе, РФ Дәүләт Думасы депутаты ярдәмчесе Станислав Александров, шулай ук студентлар һәм РЮА Яшь юристлар советы әгъзалары Тимур Какохо һәм Павел Соломонов катнаштылар.
Татарстан Республикасы Юстиция министрлыгы ТР Сарман районының 2 нче суд участогы җәмәгать судьясы аппараты консультанты һәм Казан шәһәре Совет районының 9 нчы суд участогы җәмәгать судьясы аппаратының 2 разрядлы өлкән белгече – канцелярия мөдире дәүләт граждан хезмәте вакантлы вазыйфасын биләп торуга конкурс игълан итә.
Бүген Казанда “Хокук белеме атналыгы”ның “Хокук. Бар” дип аталган яшьләр проекты үз эшен башлап җибәрде. Ул Казанның югары уку йортларында 2012 елның 27 ноябреннән алып 3 декабренә кадәр узачак. Хокук белеме атналыгы югары һәм урта махсус уку йортлары, шулай ук Казан шәһәре мәктәпләрендә укучылар өчен оештырылган, яшьләрдә хокукый фикер йөртүне һәм гомумән хокукый культураны булдыруга юнәлтелгән чаралар комплексын тәшкил итә.
2012 елның 24 декабрь шимбәсендә «Тулпар» спорт комплексында Татарстан Республикасы башкарма хакимияте органнары һәм Татарстан Республикасы дәүләт органнары хезмәткәрләре арасында II Спартакиада кысаларында баскетбол ярышлары булды.
Татарстан Республикасының хокук бозуларны профилактикалау буенча Хөкүмәт комиссиясенең Татарстан Республикасы юстиция министры М.М.Корманов җитәкчелегендәге эшче төркеме, республиканың муниципаль районнарында хокук бозуларны профилактикалауның оештырылуын һәм эшнең торышын өйрәнү максатларында, 2012 елның 20-22 ноябрь көннәрендә республиканың Баулы һәм Нурлат муниципаль районнарында комплекслы күчмә тикшерү уздырып кайтты.