ЯҢАЛЫКЛАР

Дәүләт Думасы “Балаларны аларның сәламәтлегенә һәм үсүенә зыян китерә торган мәгълүматлардан саклау турында” федераль закон проектын икенче укылышта кабул итте.

Россия Федерациясе Генераль прокуратурасы субъектлар прокурорларына күп фатирлы йортлар белән идарә итү өлкәсендә гражданнарның хокукларын яклау өстеннән күзәтчелек итәргә йөкләнеш бирде.

Пәнҗешәмбе көнне РИА Хәбәрләр оештырган пресс-конференциядә Россия мәгариф һәм фән министры урынбасары Владимир Микушевский 2011 елга яңача бюджетлы финанслау турында закон үз көченә кергәннән соң да Россиядә белем бирү түләүсез булып кала, әмма законнан явызларча файдаланучы һәм хезмәт күрсәтүләрнең стандарт тупланмасы өчен акча алучы белем бирү учреждениеләренең лицензияләре алыначак, дип хәбәр итте.

Татарстан Республикасы юстиция министрлыгы Татарстан Республикасы территориясе Схемасын эшләү буенча эшче төркем оештырган 27.02.2009 елдагы 254-р номерлы Татарстан Республикасы Министрлар Кабинеты карарын башкару буенча эшчәнлеген дәвам итә. Агымдагы елның 8 июнендә министрлык эшче төркемнең чираттагы утырышын уздырды.

Татарстан Республикасы юстиция министрлыгы эшчәнлегенең бер юнәлеше булып Татарстан Республикасы норматив хокукый актлары регистрын алып бару тора. Бу регистр республика муниципаль берәмлекләренең җирле үзидарә органнары тарафыннан кабул ителә торган норматив хокукый актлар саныннан формалаша.

2010 елның 2 февралендә Татарстан Республикасы Иминлек Советы каршындагы җир асты байлыкларыннан файдалану буенча фәнни-техник советның 2010 елга эш Планы расланган. План тарафыннан Татарстан Республикасында нефть тармагын үстерүгә юнәлдерелгән берничә чара каралган. Күрсәтелгән чараларны гамәлгә ашыру тиешле закон актларын әзерләүгә бәйле булганга күрә, Планны үтәүдә күрсәтелгән өлешен координацияләүче роль Татарстан Республикасы юстиция министрлыгына бирелде.

Җомга көнне Д. Медведев 2010 елның 4 маендагы 118-ФЗ номерлы Федераль законга кул куйды. Бу документ нигезендә әгәр депутат мандатларын бүлепшү нәтиҗәсендә депутат бер үзе аңа ия булган икән фракция булып бер генә депутат та санала ала.

РФ Хакимияте Дәүләт Думасына салымнар өлкәсендә ташламалар һәм коммерциячел булмаган оешмаларга һәм барлык социаль хезмәт күрсәтүчеләргә “уңайлы шартлар” вәгъдә итә торган закон проекты кертте.

Дәүләт Думасы тарафыннан җомга көнне өченче, ахыргы укылышта “Күчемсез милек һәм аның белән килешү төзү хокукын дәүләти теркәү турында” законга һәм өлешләп төзүдә катнашучылар хокукларын яклауга юнәлдерелгән берничә РФ закон чыгаручы актларына төзәтмәләр кертелде.