ЯҢАЛЫКЛАР

Дәүләт Думасы тарафыннан ахыргы өченче укылышта В.Жириновский, И. Лебедев һәм С.Иванов депутатлары тарафыннан кертелгән ата-аналарын югалткан балаларга туендыручыны югалту сәбәпле хезмәт пенсиясен билгеләү һәм пенсияне кайтару мәсьәләләре буенча “Россия Федерациясендәхезмәт пенсияләре турында” Федераль законга үзгәрешләр кертү хакында” федераль закон проекты кабул ителде.

2009 елның маенда Татарстан Республикасы Юстиция мнистрлыгына дәүләт теркәвенә алу өчен республиканың башкарма хакимияте органнары тарафыннан чыгарылган 25 норматив хокукый акт керде.

Бүген ТР Юстиция министрлыгында ТР Юстиция министрлыгы коллегиясе утырышы узды. Анда Татарстан Республикасы Юстиция министрлыгында Татарстан Республикасының коррупциягә каршы сәясәте Стратегиясен гамәлгә ашыру эшчәнлеге турында мәсьәлә хәл ителде.

2004 елның 2 декабрендә судларның VI Гомум россия съезды белән расланган суд этикасы Кодексы судьялар җәмәгатьчелегенең һөнәри һәм хезмәттән тыш эшчәнлектә судьяларның үз-үзләрен тоту кагыйдәләрен билгеләүче иң мөһим документларының берсе булып тора.

Җирле үзидарә органнары вазыйфаи затларының күп санлы мөрәҗәгатьләре нигезендә Татарстан Республикасы Юстиция министрлыгының Хокук мәсьәләләре буенча җирле үзидарә органнары белән үзара хезмәттәшлекне оештыру департаменты тарафыннан җирле үзидарә органында муниципаль хезмәткәрнең персональ мәгълүматлары белән эшләүне оештыру һәм аның шәхси эшен алып бару турындагы якынча Нигезләмә эшләнде.

Россия хакимияте халык турында күбрәк белергә тели. REGNUM Новости мәгълүмат агентлыгы корреспонденты хәбәр итүенчә, 28 майда “Гомум россия халык санын алу турында” федераль законга үзгәрешләр кертү хакында” закон проектын хөкүмәт РФ Дәүләт Думасына кертте. Аерым алганда, сан алу кәгазъләрендә булган халыклар турында мәгълүматлар исемлеген миграция турында мәгълүматлар белән тулыландыру күздә тотыла. Аннан тыш, хөкүмәт сорау алучыларның белем дәрәҗәләренә, туганлык мөнәсәбәтләренә һәм эш белән мәшгуль булуларына кагылучы мәсьәләләрне белешергә, шулай ук “йорт хуҗалыгы” аңлатмасын кертергә кирәк дип саный.

Кичә Татарстан Республикасында Суд департаменты Идарәсенең конференц-залында Татарстан Республикасы Судьялар советы утырышы узды. Утырышның көн тәртибенә республикада җәмәгать судьяларын матди-техник һәм финанс яктан тәмин итү турында мәсьәлә кертелде. Фикер алыша торган мәсьәлә буенча доклад белән Татарстан Республикасы юстиция министры урынбасары Ә.Б.Сираҗетдинов чыгыш ясады. Өстәмә доклад ясаучы - ТР Юстиция министрлыгының финанс бүлеге урынбасары Е.С.Гусева.