ЯҢАЛЫКЛАР

“Россия Федерациясе Дәүләт байрагы турында” Федераль конституция законына үзгәрешләр кертелде. Аннан файдалану аны мәсхәрә итү белән бәйле булмаган очракта, РФ Дәүләт байрагы һәм аның сурәтен гражданнар, иҗтимагый оешмалар, предприятиеләр, учреждениеләр һәм оешмалар тарафыннан куллану рөхсәт ителгән. Шул ук вакытта дәүләт символларына карата законсыз гамәлләр кылган өчен административ җаваплылык кертелгән.

Федерация Советы “Россия Федерациясендә муниципаль хезмәт турында” ФЗ га үзгәреш кертү хакында” Федераль законны бертавыштан хуплады.

Гражданнар кредит акчасына яшәргә ияләнеп киттеләр. Россия Банкы мәгълүматлары буенча, бирелгән кредитлар күләме ел башы белән чагыштырганда 33,5 % ка арткан. Шул ук вакытта түләү вакыты үтеп түләнми калган бурычлар рекорд тизлегендә үсә, алар ел башыннан 50 % ка арткан.

Мәскәү шәһәр думасы утырышында Административ хокук бозулар турында РФ Кодексына торак йортларда, иҗтимагый файдаланудагы йортларда һәм торак төзелеше территорияләрендә тавышның рөхсәт ителгән дәрәҗәсен арттырган өчен штрафлар кертүне күздә тоткан үзгәрешләр кертә торган закон чыгару инициативасы кабул ителде.

Россия Президенты Дмитрий Медведев “Россия Федерациясе Хөкүмәте турында” Федераль конституция законына үзгәрешләр кертү хакында” федераль конституция законы проектын Дәүләт Думасына кертте, дип хәбәр итә Кремльнең Матбугат хезмәте.

ТР Балык Бистәсе муниципаль районында Балык Бистәсе муниципаль районы башкарма комитеты рәисе вазыйфасына кандидатларны алдан сайлап алу узды. Комиссия әгъзасы сыйфатында утырыш эшендә юстиция министрының беренче урынбасары С.Н.Столяров катнашты.

10-11 ноябрьдә Казанда Татарстан Республикасы Президенты каршындагы Дәүләт һәм муниципаль идарә академиясендә Канада экспертлары катнашуында “Канада: коррупция белән көрәш һәм дәүләт хезмәтендә эш этикасы кодексын саклау буенча чаралар” темасына россия-канада фәнни-гамәли семинары уза. Чара “Россия Федерациясендә дәүләт идарәсен үзгәртеп коруга булышлык итү” россия-канада программасы кысаларында уздырыла.

2008 елның октябрендә Татарстан Республикасы норматив хокукый актларының бердәм банкы бүлегенә җирле үзидарә органнарыннан бердәм банкка кертү өчен 417 муниципаль хокукый акт – җирле үзидарәнең вәкиллекле органнары карарлары, муниципаль берәмлек башлыкларының һәм муниципаль берәмлекләрнең башкарма комитет җитәкчеләренең карарлары һәм боерыклары керде.

Россия Федерациясе Хөкүмәте закон проектларын, хөкүмәтнең һәм федераль ведомстволарның норматив актларын коррупциягә каршы экспертизалау тәртипләрен билгели торган махсус инструкция әзерләде һәм якын арада аны раслаячак.

Кичә Мәскәүдә “Россия юристлары ассоциациясе” Гомумроссия иҗтимагый оешмасы”ның Үзәк Совет утырышы узды, аның эшендә Татарстан Республикасы юстиция министры, Россия юристлары ассоциациясенең Татарстан төбәк бүлеге рәисе М.М.Корманов катнашты.