ЯҢАЛЫКЛАР

2008 елның 4 февралендәге 67 номерлы ТР Министрлар Кабинеты карары белән Татарстан Республикасы Министрлар Кабинеты Регламентына “Электрон Хөкүмәт” проектын гамәлгә ашыру белән бәйле үзгәрешләр кертелде, аның нигезендә Татарстан Республикасы Министрлар Кабинеты Аппараты, республика министрлыклары һәм комитетлары ТР дәүләт хакимияте органнарының Бердәм ведомствоара электрон докуменлар әйләнеше системасына тоташтылар.

Республика дәүләт хакимиятенең башкарма органнарында норма төзү эшчәнлеген камилләштерү максатларында “Татарстан Республикасы дәүләт хакимиятенең башкарма органнарында норма төзү эшчәнлеген камилләштерү буенча өстәмә чаралар турында” 2008 елның 31 гыйнварындагы 52 номерлы Татарстан Республикасы Министрлар Кабинеты карары белән ТР Министрлар Кабинетына тапшырыла торган закон проектларының вакытын һәм сыйфатын саклаган өчен министрларга һәм Татарстан Республикасы дәүләт хакимиятенең бүтән башкарма органнары җитәкчеләренә шәхси җаваплылык билгеләнде.

Татарстан Республикасы Юстиция министрлыгы коллективы исеменнән Сезне ВАТАННЫ САКЛАУЧЫЛАР КӨНЕ белән котлыйбыз!

Бүген Федераль суд приставлары хезмәтенең ТР буенча идарәсенең Хезмәткәрләрне әзерләү базасында Федераль суд приставлары хезмәтенең ТР буенча идарәсенең кышкы Спартакиадасы булды, ул Ватанны саклаучылар көненә багышланган иде.

Кичә юстиция министрының беренче урынбасары С.Н.Столяров Балык Бистәсе муниципаль районында хисап сессиясе эшендә катнашты. Көн тәртибенә куелган төп мәсьәлә муниципаль район башлыгы Е.В.Лыловның 2007 елда Балык Бистәсе муниципаль районының социаль-икътисадый үсеш нәтиҗәләре һәм 2008 елга бурычлар турында хисабы иде.

Февральдә ТР Юстиция министрлыгының “Хокук һәм хәят” иҗтимагый-хокукый журналының Редакция советының күчмә утырышы булды. Анда журналның 2 нче саны (2008 елның марты) макеты турында фикер алыштылар һәм аны расладылар. Утырыш ТР буенча Эчке эшләр министрлыгының яңа бинасында үтте, анда республиканың хокук саклау органнарының күпчелек җитәкчеләре – журналның Редакция советы әгъзалары катнашты.

Кичә Апаста территориаль семинар узды, анда Апас, Буа, Югары Ослан, Чүпрәле, Кайбыч, Кама Тамагы, Тәтеш муниципаль районнары муниципаль берәмлекләренең җирлекләр башлыклары һәм вәкиллекле органнары депутатлары Татарстан Республикасында муниципаль реформаны гамәлгә ашыру проблемалары турында фикер алыштылар.

Татарстан Республикасы Юстиция министрлыгы РФ Федераль Җыенының Дәүләт Думасы комитетларының 2008 елгы язгы сессия вакытында Закон төзү эше программасына кертелгән закон проектлары буенча тәкъдимнәр кертте.

Торак шартларын яхшырту өчен ана капиталы чаралары тотыла алган чыгымнарның төрләрен билгели торган Кагыйдәләр, бу чаралар белән эш итү турында гаризаны карап тикшерү өчен кирәкле документлар исемлеге, шулай ук күрсәтелгән чараларны күчерү тәртибе һәм вакыты расланды.

Узган атнада Чаллы шәһәрендә Татарстан Республикасы Юстиция министрлыгының эшләр идарәчесе С.А.Брусов хокукый мәсьәләләр буенча гражданнарны күчмә кабул итү үткәрде.