ЯҢАЛЫКЛАР

Казан шәһәрендә яшәүчеләрнең күпфатирлы йортлар төзелешендә өлешле катнашуга хокукларын саклау максатында, Казан шәһәре территориясендә күпфатирлы йортларны һәм күчемсез милекнең бүтән объектларын өлешләп төзү өлкәсендә дәүләт контролен һәм күзәтчелеген гамәлгә ашыру буенча вәкаләтле орган дип “Казан шәһәре муниципаль берәмлеге башкарма комитетының Торак сәясәте идарәсе” муниципаль учреждениесе билгеләнгән.

15 февральдә Самара шәһәрендә Идел буе федераль округының Гражданнарга социаль-хокукый ярдәм һәм агарту үзәкләре форумы булды. Чарага Идел буе федераль округы чикләре эчендә урнашкан Россия Федерациясенең барлык субъектлары дәүләт хакимиятенең башкарма органнары вәкилләре, шулай ук Үзәкләрнең җитәкчеләре, “Россия юристлары ассоциациясе” вәкилләре, консультация бирү пунктлары, студентларның юридик клиникалары хезмәткәрләре, волонтерлар, Идел буе федераль округының әйдәүче ВУЗлары студентлары чакырулы иде.

Татарстан Республикасы Юстиция министрлыгы хезмәткәрләренең “Россия чаңгы юлы”нда чаңгы ярышы колеектив өчен Ватанны Саклаучылар Көненә багышланачак Кышкы Спартакиадага әзерлеккә старт булды. ТР Юстиция министрлыгы командасы юстиция министры М.М.Корманов җитәкчелегендә Спартакиадада катнашачак.

“2000 елның 26 июнендәге 569 номерлы Россия авыл хуҗалыгы министрлыгы боерыгына үзгәрешләр кертү турында” 2007 елның 29 декабрендәге 678 номерлы РФ Авыл хуҗалыгы министрлыгы боерыгы белән ау объектларына кертеп каралган хайваннар дөньясы объектларыннан файдалануга озак вакытлы лицензияләр бирү тәртибенә тиешле төзәтмәләр кертелгән.

2008 елның 9 гыйнварыннан алып 15 февраленә кадәр Татарстан Республикасы норматив хокукый актларының бердәм банкы Татарстан Республикасы муниципаль районнары һәм шәһәр округларының 347 акты белән тулыланды.

Бүген Татарстан Республикасы Юстиция министрлыгында Татарстан Республикасы дәүләт граждан хезмәте класслы чиннарын бирүгә сынау үтте.

Бүген Татарстан Республикасы юстиция министры М.М.Корманов Әлки муниципаль районына барып кайтты, анда ул Әлки муниципаль районы башкарма комитеты җитәкчесе В.В.Мошков белән эшлекле очрашу үткәрде, аның барышында җирле үзидарә органнары тарафыннан “Россия Федерациясендә җирле үзидарә оештыруның гомуми принциплары турында” Федераль закон нигезләмәләренең гамәлгә ашырылуына кагылышлы мәсьәләләр хакында фикер алышынды.

Кичә ТР Юстиция министрлыгының норматив хокукый актларның бердәм банкы бүлеге җитәкчесе Э.М.Аверьянова җирле үзидарә оештыру мәсьәләләрендә хокукый ярдәм күрсәтү максатыннан Балык Бистәсе муниципаль районының Зур Мәшләк һәм Котлы Бөкәш авыл җирлекләренең хисап сессияләре эшендә катнашты.

2007 елның декабрендә булган Татарстан Республикасы Юстиция министрлыгы коллегиясенең киңәйтелгән утырышы карарын үтәп, Министрлык аппараты хезмәткәрләре ике көн эчендә (13-14 февральдә) ТР дәүләт хакимияте органнарының электрон документ әйләнеше Бердәм ведомстовара системасында эшләү буенча укыйлар, аңа 2006 елның 1 декабреннән ТР Минюст аппаратының барлык хезмәткәрләре җәлеп ителгән.