ЯҢАЛЫКЛАР

Бүген Казанда узган брифингта ТР буенча ЭЭМның Салым җинаятьләре идарәсе җитәкчесе урынбасары И.Сафиуллин белдергәнчә, Татарстанда салым җинаятьләренең күпчелеге аноним фирмалар кулланып башкарыла.

Кичә юстиция министры урынбасары А.А.Ощепков һәм Хокукуый мәсьәләләр буенча җирле үзидарә органнары белән багланышлар оештыру департаменты бүлеге җитәкчесе Р.У.Гарипов ТР буенча ЭЭМда узган оештыру киңәшмәсендә катнаштылар.

ТР Юстиция министрлыгында ТР Юстиция министрлыгының Хокукый мәсьәләләр буенча җирле үзидарә органнары белән багланышлар оештыру департаменты тарафыннан эшләнгән “Татарстан Республикасында муниципаль берәмлекләрнең җирле үзидарә органнарына опека һәм попечительлек өлкәсендә аерым Татарстан Республикасы дәүләт вәкаләтләрен бирү турында” Татарстан Республикасы законы проекты турында фикер алышу булды.

Дәүләт Думасында “Бердәм Россия” фракциясе әгъзасы Роберт Шлегель ММЧда берничә тапкыр яла ягучы язмалар бастырган өчен басманы лицензиядән мәхрүм итәргә тәкъдим итә. “Әгәр бер ел эчендә ММЧ берничә тапкыр яла ягучы язмалар бастырса, аның лицензиясе суд тәртибендә тартып алынырга тиеш”, - ди Р.Шлегель, үзенең Дәүләт Думасына керткән ММЧ турында законга һәм Административ хокук бозулар турында кодекска үзгәрешләр белән закон проектына дүшәмбе көнне “Интерфакска” аңлатмалар биргәндә.

Бүген ТР Дәүләт Советының кече залында җирле үзидарә органнарының закон төзү эшчәнлеге һәм муниципаль хезмәт эшен оештыру мәсьәләләренә багышланган семинар булды. Чарага муниципаль районнар башлыклары урынбасарлары, муниципаль берәмлекләрнең вәкиллекле органнарының даими комиссияләре рәисләре, җирлекләр башлыклары, аппаратлар җитәкчеләре, Татарстан Республикасы муниципаль районнары һәм шәһәр округлары Советлары юристлары һәм белгечләре чакырылган иде.

Яңа “Закон ТВ” телеканалы эшли башлады, аның төп максаты – гражданнарны хокукый агарту, дип хәбәр итте дүшәмбе көнне “РИА Новости”да  узган матбугат очрашуында "Газпром-Медиа"ның юридик департаменты җитәкчесе - генераль директор урынбасары Ян Пискунов.

Бүген ТР Юстиция министрлыгында Россия Федерациясе һәм Татарстан Республикасы норматив хокукый актларының татар телендә электрон китапханәсен эшләү, төзү, аның гамәлдә булуын тәэмин итү буенча эшче төркем утырышы булды.

ТР Дәүләт Советында ТР Җәмәгатьчелек палатасы утырышы булды, анда даими комиссияләр төзелде һәм аларның рәисләре сайланды, ТР ҖП эшенең төп юнәлешләре билгеләнде.

2008 елның 29 гыйнварда Союзлар йортының Колонналы залында Россия юристлары ассоциациясенең чираттан тыш съезды үтәчәк. Съезд эшендә Ассоциациянең җитәкче һәм эш органнары әгъзалары, юридик җәмгыятьләр вәкилләре, шулай ук Россия Федерациясе дәүләт хакимиятенең югары органнары вәкилләре катнашачак.

2008 елның 9 гыйнварында “Татарстан Республикасында җирле үзидарә турында” Законга үзгәрешләр кертелде. Кертелгән үзгәрешләр “Татарстан Республикасында җирле үзидарә турында” Законны “Россия Федерациясендә җирле үзидарә оештыруның гомуми прнциплары турында” Федераль законга тәңгәлләштерә.